Tengrinews.KZ парақшасынан алынған ақпаратқа сүйене отырып, Qazaq24.com хабарлама жасады..
15 шілдеден бастап Астана әуежайында көліктерге арналған қысқа мерзімді тұрақ тарифтері өзгереді. Сонымен қатар әуежайда бағасы төмен болатын ұзақ мерзімді тұраққа арналған жаңа алаңдар дайындалып жатыр, деп хабарлайды Tengri Travel.
15 шілдеден бастап Астана әуежайында көліктерге арналған қысқа мерзімді тұрақ тарифтері өзгереді. Сонымен қатар әуежайда бағасы төмен болатын ұзақ мерзімді тұраққа арналған жаңа алаңдар дайындалып жатыр, деп хабарлайды Tengri Travel.
Әуежай баспасөз қызметінің мәліметінше, 2026 жылғы 15 шілдеден бастап қысқа мерзімді тұрақ құны сағатына 200 теңгеден 300 теңгеге дейін өседі.
"Осы уақытқа дейін тұрақтың сағатына 200 теңгелік құны 2023 жылдан бері өзгерген жоқ. Бұл ретте пайдалану шығыны, тұрақ инфрақұрылымын ұстауға кететін шығын мен оны жаңғыртуға байланысты шығын артты", – деп атап өтті әуежай өкілдері.
Сонымен қатар әуежай тұрақ инфрақұрылымын кеңейтіп жатыр. Қазіргі уақытта мұнда көліктерді ұзақ мерзімге қоюға арналған жаңа аймақтар дайындалып жатыр.
Бұл алаңдардағы тұрақ құны сағатына 100 теңге болады. Бұл нұсқа көлігін бірнеше сағатқа немесе бірнеше күнге қалдыратындар үшін тиімді.
Бұдан бөлек 100 көлікке арналған тегін тұрақ жұмыс істей береді.
Сондай-ақ азаматтардың жекелеген санаттарына арналған жеңілдіктер сақталады. Тұрақ ақысын төлеуден бұрынғыдай мына азаматтар босатылады:
I және II топтағы мүгедектігі бар адамдар; Ауғанстандағы соғыс ардагерлері; Семей ядролық сынақ полигонындағы сынақтар салдарын жоюға қатысқандар.Әуежай өкілдері тұрақ инфрақұрылымын дамыту жолаушылардың жайлылығын арттыруға, вокзал маңындағы көлік қозғалысын оңтайландыруға және тұрақтың қолайлы нұсқасын таңдауға қосымша мүмкіндік жасауға бағытталғанын атап өтті.
Тағы оқыңыз: Астанада жаңа әуежай құрылысы келесі жылы басталады
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Google News арқылы жаңалықтарымызды қадағалаңыз
Жазылу