Tengrinews.KZ парақшасынан алынған ақпаратқа сүйене отырып, Qazaq24.com хабарлама жасады..
Астанада Триумфалды арка маңында балағат сөздері бар әндер айтып, оны видеоға түсіріп, TikTok-қа жариялаған қыз ұсталып, айыппұл арқалады, деп хабарлайды Tengrinews.kz.
Елордалық полиция департаменті танымал хиттерді орындап, сөздерінің бір бөлігін балағат сөздермен алмастырған "әншінің" видеосын жариялады. Оқиға елорданың көрікті жерлерінің бірі – Триумфалды арка маңында болған. Қасында тағы бір қыз тұр, бірақ ол бұл перформансқа қатыспаған көрінеді.
Instagram-дағы бұл жарияланымды көру
Астана қаласының Полиция департаменті (@police__astana) жариялаған жазба
Полицейлер қыздың жеке тұлғасын анықтады: ол 25 жаста және өзге мемлекеттің азаматы болып шықты.
Қыздың TikTok-та жариялаған контенті қоғамдық мораль нормаларын бұзатыны атап өтілді.
"Бейнематериал Астанадағы Мәңгілік ел даңғылында орналасқан Триумфалды арка аумағында түсіріліп, кейін әлеуметтік желіде жарияланғаны белгілі болды. А.В-ға қатысты ұсақ бұзақылық фактісі бойынша материалдар жинақталды. Сот шешімімен оған 20 АЕК (2026 жылы 86 500 теңге) мөлшерінде әкімшілік айыппұл түріндегі жаза тағайындалды", - делінген хабарламада.
Полиция қоғамдық тәртіп нормаларын сақтап, қоғамдық орындарда өзін әдепті ұстау қажеттігін еске салды. Құқыққа қайшы немесе қорлайтын мазмұндағы контент жариялау азаматтарды Қазақстан заңнамасында көзделген жауапкершілікке әкеп соғады.
Осыған ұқсас жағдай Астанада тамыздың ортасында да болған еді. Полицейлер TikTok әлеуметтік желісіне кезекті мониторинг жүргізу барысында қоғамдық мораль нормаларын бұзып, балағат сөздер айтқан 19 жастағы қолданушыны анықтаған болатын.
Google News арқылы жаңалықтарымызды қадағалаңыз
Жазылу