Qazaq24.com, Tengrinews.KZ дереккөзінен алынған ақпаратқа сүйене отырып жаңалық таратты..
Астананы терек мамығы басты. Елорда тұрғындары әлеуметтік желілерде көзге, мұрынға және киімге жабысатын "жазғы қарға" жаппай шағымданып жатыр. Бұл ретте ТЖД мамық жайсыздық тудырып қана қоймай, ірі өрттердің шығуына себеп болуы мүмкін екенін ескертті, деп хабарлайды Tengri Life.
Астананы терек мамығы басты. Елорда тұрғындары әлеуметтік желілерде көзге, мұрынға және киімге жабысатын "жазғы қарға" жаппай шағымданып жатыр. Бұл ретте ТЖД мамық жайсыздық тудырып қана қоймай, ірі өрттердің шығуына себеп болуы мүмкін екенін ескертті, деп хабарлайды Tengri Life.
Қала тұрғындары не дейді?Демалыс күндері Астана тұрғындары әлеуметтік желілерде терек мамығы басқан көшелердің видеосы мен суреттерін жариялай бастады. Елордалықтардың айтуынша, сыртта жүру қиындаған: мамық бетке ұшып, киімге жабысады, айтарлықтай қолайсыздық тудырады.
"Терек ауаны шаң мен шығарынды газдардан тазартатынын, ылғалды сақтап, желден қорғайтынын түсінемін. Бірақ бұл мамық өте ыңғайсыз. Бастапқыда "аналық" ағаштарды аз отырғызу керек еді. Көшеде жүру мүмкін емес: бүкіл киім мамық, мұрын мен көзге кіреді", - деп жазды қала тұрғындарының бірі.
Кейбір тұрғындар әсіресе аллергиясы бар жандарға қиын соғып жатқанын айтып шағымданды.
"Астаналықтар, терек мамығының дәмі қалай екен? Бүгін ол барлық жерде - мұрында да, ауызда да жүр. Елордада неге сонша көп терек бар? Олардың пайдасы бар ма өзі?", "Мамық апокалипсисі басталды. Астанада әр жаз сайын аптап ыстықта "қар" жаудыратын ағаштарды отырғызуды кім ойлап тапты? Бұл мамық қазір барлық жерде: мұрында, көзде, шашта, тамақта және киімде. Қалада жұрт ауамен емес, терек мамығымен тыныстап жатқандай. Аллергиясы барлар туралы айтпай-ақ қояйын - олар үшін бұл жаз емес, кәдімгі тірі қалу маусымы", - деп бөлісті желі қолданушылары.
Скриншот: Threads
ТЖД не дейді?Астана ТЖД терек мамығының тез тұтанғыш екенін ескертті.
"Терек мамығы бір сәтте жанып, өрттің үлкен аумаққа тарауына себеп болады", - деді ТЖД өкілдері.
Құтқарушылар тұрғындардан мамықты өртемеуді және балалардың аулада отпен ойнауына жол бермеуді сұрады.
Instagram-дағы бұл жазбаны көру
A post shared by Астана қаласы Төтенше жағдайлар департаменті (@112astana)
ТЖД мынадай кеңес береді:
терек мамығын өртемеу; балалардың онымен ойнамауын қадағалау; сіріңке мен оттықты қолжетімді жерде қалдырмау; мамық жиналған жерлерге су себу; мамықты үйден, көліктен және құрылыстардан уақтылы тазалау.Құтқарушылардың айтуынша, мамықтың әсіресе тұрақтардың, қоқыс алаңдары мен құрғақ шөптер маңында жиналуы қауіпті, себебі мұндай жерлерде от тез таралуы мүмкін.
Google News арқылы жаңалықтарымызды қадағалаңыз
Жазылу