Inform.KZ парақшасынан алынған деректерге сүйене отырып, Qazaq24.com жаңалық жариялайды..
Бағдарлама CMG мамандары мен MNU сарапшыларын бірыңғай білім беру алаңында біріктіреді: қарқынды тренингтер, мультимедиялық контентпен жұмыс істеу бойынша шеберлік сабақтары өтіп, халықаралық ортада репортаж жасау дағдылары дамытылады. Студенттер нақты кейстермен жұмыс істеуге, CMG сарапшыларына сұрақтар қоюға және өз жобаларын әзірлеуге мүмкіндік алады.
Іс-шараның қорытындылары бойынша ең үздік жобалар жабылу салтанатында таныстырылады, ал студенттерге тиісті сертификаттар беріледі.
MNU провосты Анар Ибраеваның айтуынша, «CMG Media Week 2026» — студенттерді халықаралық деңгейде жұмыс істейтін жетекші қытайлық мамандардың озық тәжірибелерімен таныстырудың бірегей мүмкіндігі. CMG қытайлық БАҚ-тың флагманы және кәсіби журналистік шеберліктің орталығы ретінде танымал.
Фото: MNUCGTN бас редакторының орынбасары Дин Юн студенттерге бейнеүндеуінде сөйлеген сөзінде Астанадағы «CMG Media Week 2026» — идеялар мен тәжірибе алмасуға арналған алаң екенін, онда студенттер тек жаңа кәсіби дағдыларды игеріп қана қоймай, сонымен қатар қазіргі заманғы қытайлық БАҚ-тың жұмысын жақсырақ түсінетінін атап өтті.
Бұл халықаралық іс-шара MNU-дің 2023 жылы Халықаралық журналистика мектебін ашқан Президент Телерадиокешенімен серіктестігін жалғастырып отыр. Бірлескен жоба Қазақстанда мемлекет пен қоғамның қажеттіліктеріне бағытталған жас журналистерді даярлайтын алғашқы жоба болып, халықаралық БАҚ ынтымақтастығын одан әрі кеңейтуге негіз қалады.
Президент Телерадиокешені мен China Media Group ұйымдастырған іс-шара Қытай Халық Республикасы Төрағасының Қазақстанға сапары кезінде 2025 жылдың 16 маусымында қол қойылған Меморандум аясында өткізіліп жатыр. Қол қою рәсімі Ақордада екі көшбасшы Қасым-Жомарт Тоқаев пен Си Цзиньпиннің қатысуымен өтті.
Фото: MNUҚР Президентінің Телерадиокешені — Қазақстандағы медиа контентті өндіру мен таратудың толық циклы бар ең ірі тік біріктірілген медиакомпания. ҚР Президентінің Телерадиокешені құрамына Jibek Joly телеарнасы және қазақстандық аудиторияға арналған аттас радио, Silk Way, Silk Way Cinema және Silk Way Prime халықаралық арналары, Kazinform халықаралық ақпарат агенттігі, Деректі кино орталығы және TRKLAB диджитал бренді кіреді.
China Media Group (CMG) — әлемдегі ең ірі және беделді медиа конгломераттарының бірі. Компания құрылымына 100-ден астам телеарна мен радиоарна, ақпараттық порталдар кіреді, олар 80-нен астам тілде ақпарат таратады. CMG тілшілер желісінде 67 елдегі 190-нан астам шетелдік бюро бар.
Maqsut Narikbayev University (MNU) — Қазақстандағы жетекші және беделді жоғары оқу орындарының бірі. MNU QAA Global Quality Award беделді британдық аккредиттеген ТМД мен Орталық Азиядағы алғашқы университет болды.