Qazaq24.com, Sputnik.KZ дереккөзінен алынған мәліметтерге сүйене отырып ақпарат жариялайды..
АСТАНА, 16 қазан – Sputnik. Астана қаласында "ҚР теннис федерациясы" балалардың дене белсенділігін арттыруға және ерте жастан тенниске деген қызығушылығын қалыптастыруға бағытталған "Baby Tennis" жобасы жүзеге асырып жатыр, деп хабарайды елорда әкімдігі.
© Астана қаласының әкімдігіАстанада 50-ден астам балабақшада балаларды тенниске баулитын жоба жүзеге асырылып жатыр
Астанада 50-ден астам балабақшада балаларды тенниске баулитын жоба жүзеге асырылып жатыр
Аталған жоба № 1, 11, 37, 58, 84, 89, 93, 98 балабақшаларында инновациялық жоба енгізілген. Ал тағы бір қатар балабақшаларда қосымша ретінде теннис элементтері өтіп жатыр.
"Жобаның негізгі мақсаты – мектеп жасына дейінгі балаларды теннистің бастапқы элементтерімен таныстыру, ракетканы дұрыс ұстау және допты басқару дағдыларын қалыптастыру арқылы олардың ептілігін, қимыл дәлдігін, тепе-теңдікті сақтау қабілетін және қозғалыс үйлесімділігін дамыту", - дейді әкімдік.
Бағдарлама мазмұны балалардың жас ерекшеліктерін ескере отырып, ойын арқылы теннистің қарапайым тәсілдерін меңгеруге бағытталған.
© Photo : Астана қаласының әкімдігіАстанада 50-ден астам балабақшада балаларды тенниске баулитын жоба жүзеге асырылып жатыр
Астанада 50-ден астам балабақшада балаларды тенниске баулитын жоба жүзеге асырылып жатыр
© Photo : Астана қаласының әкімдігі
Сонымен қатар балалардың жеке мүмкіндіктерін ескеруге және қимыл-қозғалыс жаттығуларын қауіпсіз ортада орындауына жағдай жасауға ерекше мән беріледі.
"Baby Tennis" жобасы мектеп жасына дейінгі балалардың қимыл-қозғалыс тәжірибесін байытып, дене қабілеттерін дамытуға, спортпен жүйелі айналысуға деген қызығушылығын арттыруға және салауатты өмір салтына баулуға ықпал етеді.