Qazaq24.com, Inform.KZ дереккөзінен алынған ақпаратқа сүйене отырып мәлімет бөліседі..
Оның айтуынша, осы уақыт аралығында мұндай оқиғалар саны 31-ден 85-ке дейін жеткен. Яғни көрсеткіш үш есеге жуық артқан. Сонымен бірге жарақаттың ауырлығы да күшейіп отыр.
Фото: Астана қаласының коммуникациялар қызметі— 2023 жылы бір бала көз жұмса, 2024 жылы — 4, ал 2025 жылы 9 бала қайтыс болды. Бұл тек оқиғалар саны ғана емес, олардың салдары да ауырлап бара жатқанын көрсетеді, — деді Медет Нұғманов Астана қаласының коммуникациялар қызметінде өткен брифингіде.
Маманның сөзінше, мұндай жағдайлар көбіне мектеп жасына дейінгі балалар арасында кездеседі. Әсіресе 1 жастан 5 жасқа дейінгі балалар қауіпке жиі ұшырайды.
— Бұл жастағы балалар айналасын танып-білуге құмар, бірақ қауіпті аңғара бермейді. Сол себепті олар терезеден құлап кетуі мүмкін, — деді ол.
Оның айтуынша, қайғылы оқиғалардың негізгі себептері тұрмыстық жағдайлармен байланысты. Атап айтқанда, балаларды қараусыз қалдыру, терезе маңына жиһаз қою және масадан қорғайтын торларды қауіпсіз деп қабылдау осындай жағдайларға әкеледі.
— Мұндай оқиғалар санаулы секунд ішінде болады. Ересектердің аз уақытқа назар аудармауының өзі үлкен қауіпке соқтырады, — деді спикер.
Айта кетейік, бұған дейін Қызылордада балалардың терезеден құлау деректері тіркеліп, мамандар ата-аналардың салғырттығын негізгі себеп ретінде атаған еді.