Tengrinews.KZ парақшасынан алынған деректерге сүйене отырып, Qazaq24.com хабарлама жасады..
Астанада қоқыс полигонында өрт шықты. Өртсөндірушілер тілсіз жаумен тәулік бойы күресіп жатыр, - деп хабарлайды Tengrinews.kz Төтенше жағдайлар министрлігінің ресми Telegram-арнасына сілтеме жасап.
Сөндіру жұмыстарының тиімділігін арттыру мақсатында негізгі күштер мен құралдар шоғырландырылған екі учаске құрылды.
"Сонымен қатар, өрт ошақтарын оқшаулау және одан әрі таралуын болдырмау үшін полигонның бүкіл аумағын инертті материалмен толтыру бойынша инженерлік жұмыстар жүргізіліп жатыр", - делінген ТЖМ хабарламасында.
Жұмыс барысы қатты түтінге, сондай-ақ, жиналған қалдықтардың тұрақсыз әрі борпылдақ күйіне байланысты қиындап отыр. Бұл арнайы техниканың өтуін шектеп, ірі габарит көліктің маневр жасауын едәуір қиындатады.
Фото: ҚР ТЖМ
Өртті сөндіруге Төтенше жағдайлар департаменті мен жергілікті атқарушы органдардың 120-ға жуық жеке құрамы мен 150 бірлік техникасы жұмылдырылды.
"Жағдай ТЖМ-нің тұрақты бақылауында. Өртті толық сөндіру жұмыстары жалғасып жатыр", - деді ведомство өкілдері.
Фото: ҚР ТЖМ
Астанадағы қоқыс полигонында осыдан бірнеше күн бұрын өрт шыққан болатын. Оқырмандар Tengrinews.kz редакцияға өрттің видеосын жолдады.