Qazaq24.com, Tengrinews.KZ дереккөзінен алынған мәліметтерге сүйене отырып жаңалық жариялады..
Осы аптада Астанада 18 және 19 жастағы екі науқастан шошқа тұмауы анықталды, деп хабарлайды Tengri Health.
Астанада тұмаудың қанша жағдайы тіркелді?
Астанада өткен брифингте елордалық санитариялық-эпидемиологиялық бақылау департаментінің басшысы Айгүл Шағалтаева қала бойынша сырқаттанушылық деңгейі туралы айтып берді.
Оның сөзінше, 2025–2026 жылғы маусымда тұмау сияқты аурулар мен ауыр жіті респираторлық инфекциялары бар пациенттерден алынған 1 687 сынама зерттелген.
"Тұмау 250 жағдайда, COVID-19 - тоғыз жағдайда анықталды. Сондай-ақ тұмау емес 725 вирус тіркелді, олардың арасында риновирус, респираторлық-синцитиальді вирус, аденовирус, парагрипп, метапневмовирус және басқалары бар", - деп атап өтті Айгүл Шағалтаева.
Сонымен қатар ол осы аптада ауыр жіті респираторлық инфекция белгілерімен ауруханаға жатқызылған 18 және 19 жастағы пациенттерден ПТР әдісімен A(H1N1)pdm09 тұмауының екі жағдайы расталғанын айтты.
A(H1N1)pdm09 вирусы шошқа тұмауы ретінде белгілі. Қазіргі уақытта ол маусымдық тұмау қоздырғыштарының бірі ретінде таралған.
Астанада тағы қандай вирустар анықталды?Сарапшы басқа да респираторлық инфекциялар бойынша статистиканы келтірді. Оның айтуынша, осы эпидемиологиялық маусымда Астанада ЖРВИ-дің 313 173 жағдайы тіркелген. Блытырғы сәйкес кезеңмен салыстырғанда сырқаттанушылық 1,1 есеге артқан.
"Ауырғандар арасында 14 жасқа дейінгі балалардың үлесі 57,9 пайыз болды. Кейінгі есептік аптада, 10–16 қыркүйек аралығында, ЖРВИ-дің 3 973 жағдайы тіркелді, оның ішінде 2 323-і - 14 жасқа дейінгі балалар арасында", - деді сарапшы.
Күні кеше Алматыдағы эпидемиологиялық жағдай туралы айтылды. Санитарлық дәрігерлердің мәліметінше, 7–13 қыркүйек аралығында қалада ЖРВИ-дің 18 877 жағдайы тіркелген. Қазір сырқаттанушылық деңгейі былтырғы сәйкес кезеңдегі көрсеткіштен 1,3 пайызға төмен. Науқастар қатарында 14 жасқа дейінгі балалардың үлесі 60 пайызға жуықтайды.
Алматыда әзірге тұмау жағдайлары тіркелген жоқ.
Бұған дейін балаға суық тиген жағдайда не істеуге болмайтынын жазып, отбасылық дәрігермен бірге емдеу кезіндегі қателіктерді талдаған болатынбыз.
Бізді Google-дың негізгі дереккөздер тізіміне қосыңыз
Қосу