Sputnik.KZ парақшасынан алынған ақпаратқа сәйкес, Qazaq24.com хабарлайды..
АСТАНА, 10 наурыз – Sputnik. Астанада "Sirius Energy" қаржы пирамидасының құрылымдық бөлімшесін басқару фактісі бойынша тергеу жүріп жатыр, деп хабарлайды қаржылық мониторинг агенттігі.
Ұйымдастырушы өзін чилилік "Sirius Energy" компаниясының өкілі ретінде таныстырып, азаматтарды жаңартылатын энергия көздері саласындағы жоғары табыс әкелетін жобаларға инвестиция салуға үгіттеген.
"Қаражат тек USDT криптовалютасы арқылы қабылданып, кейін қатысушыларға шартты бонустар көрсетілетін жеке кабинеттер ашылған. Салымшыларды тарту мақсатында күдікті Алматы және Астана қалаларында кеңсе ашып, тұрақты түрде тренингтер өткізген", - дейді агенттікте.
Сонымен қатар Instagram* және TikTok әлеуметтік желілері арқылы белсенді жарнама жүргізіп, заңды қызмет атқарып отырғандай әсер қалыптастыру үшін үшінші тұлғаның атына ЖШС тіркеген. Алайда іс жүзінде ешқандай қызмет көрсетілмеген.
Салдарынан 380 азамат қаржы пирамидасының құрбанына айналған.
"Жәбірленушілердің бірі ұйымдастырушының жоғары табыс туралы уәдесіне сеніп, жобаға инвестиция салу үшін 3 млн теңге көлемінде несие рәсімдеген. Алайда ешқандай төлем жасалмаған, енді ол несиені пайызымен бірге өз қаражатынан өтеуге мәжбүр", - дейді қаржы мониторингі агенттігінде.
Сот санкциясымен ұйымдастырушының банк шоттарына тыйым салынды.
*Мета (Facebook және Instagram) қызметіне Ресейде экстремистік деп тыйым салынған.