Qazaq24.com, Tengrinews.KZ дереккөзінен алынған мәліметтерге сүйене отырып ақпарат бөліседі..
Астана көшелерінің бірінде автокөлік аударылып қалған. Елордалық полиция департаменті оқиғаның мән-жайын айтты, деп хабарлайды Tengrinews.kz тілшісі.
Аударылған көліктің суреттері мен видеосы әлеуметтік желіде тарады. Куәгерлердің айтуынша, жол-көлік оқиғасы 18 қыркүйекте таңертең болған.
Полиция департаменті баспасөз қызметінің мәліметінше, жұмада Е-900 көшесінде BMW автокөлігінің жүргізушісі рөлге ие бола алмай, бордюрге соғылған.
Осыдан кейін көлік көшедегі жарық бағанына соғылып, аударылып кеткен.
Threads-тен скриншот
"Жол-көлік оқиғасы салдарынан зардап шеккендер жоқ. Автокөлік коммуналдық тұраққа қойылды. Жүргізушіге қатысты әкімшілік іс қозғалды", - деп толықтырды полиция өкілдері.
Қазіргі уақытта тексеріс жүргізіліп жатыр, оның нәтижесі бойынша тиісті шешім қабылданады.
Еске сала кетейік, шілдеде Астанада осыған ұқсас жағдай болған - Hyundai Elantra мен Geely Emgrand соқтығысып, екінші көлік аударылып қалған. Жүргізуші ауруханаға жеткізіліп, кейін үйіне жіберілді. Hyundai автокөлігі арнайы тұраққа қойылды.
Бізді Google-дың негізгі дереккөздер тізіміне қосыңыз
Қосу