Tengrinews.KZ парақшасынан алынған деректерге сүйене отырып, Qazaq24.com мәлімдеме жасады..
Астанадағы "Лазурный квартал" тұрғын үй кешенінің 13-қабатында түнде өрт шықты, - деп хабарлайды Tengrinews.kz.
Бұл туралы жексенбі, 20 қыркүйекте таңертең Төтенше жағдайлар министрлігінің баспасөз қызметі мәлімдеді.
"Астананың Есіл ауданында, Сарайшық көшесіндегі 14 қабатты тұрғын үй кешенінің 13-қабатындағы пәтер мен лоджиядан өрт шықты", - делінген хабарламада.
Елордалық ТЖД өкілінің мәліметінше, өрт туралы хабарлама 112 пультіне сағат 3:45-те түскен. Оқиға орнына жеткен өртсөндірушілер екі адамды құтқарып, тағы бес адамды эвакуациялады.
Құтқарушылар тілсіз жауды сағат 4:13-те ауыздықтап, 4:22-де толықтай өшірді.
Өрттің аумағы 15 шаршы метр болды, зардап шеккендер жоқ. Өртті сөндіруге ТЖД-ның 25 жеке құрамы мен алты техникасы жұмылдырылды.
Instagram-дағы бұл жарияланымды көру
Қазақстан Республикасы Төтенше жағдайлар министрлігінің жарияланымы (@112kz_)
Бізді Google-дың негізгі дереккөздер тізіміне қосыңыз
Қосу