Sputnik.KZ парақшасындағы деректерге сәйкес, Qazaq24.com ақпарат таратты..
АСТАНА, 29 қаңтар – Sputnik. Ішкі істер министрінің орынбасары Игорь Лепеха Астанадағы Сарайшық көпірінде болған жол апатында кімнің қайтыс болғанын айтты, деп хабарлайды Sputnik Қазақстан тілшісі.
28 қаңтарда Toyota маркалы джип көпірдің үстінде жолдың қарсы бетіне шығып, Lada мен Skoda-ға соғылған. Жол апатында екі адам қайтыс болды.
"Қазіргі кезде іс қозғалды. Оқиғаның мән-жайын анықтап жатырмыз. Қайтыс болғандар жол апатына кінәлі адамдар емес", - деді Лепеха сенатта өткен брифингте.
Айта кетері, Астанада дәл осы көпірде жеңіл көліктер қатты жүреді. Соның салдарынан жол апаты жиі болады.