Egemen.KZ парақшасынан алынған ақпаратқа сүйене отырып, Qazaq24.com хабарлама жасады..

Астана қаласындағы №91 мектеп-гимназиясы мен Сервис және туризм колледжі өзара ынтымақтастық туралы екіжақты меморандумға қол қойды.

Бұл келісім білім алушылардың шығармашылық және кәсіби әлеуетін дамытуға бағытталған тың жобаның бастамасы болды, деп хабарлайды Egemen.kz.

Фото: Астана әкімдігі Жаңа жоба аясында №91 мектеп-гимназиясы бұған дейін АҚШ-тың Вашингтон университетімен серіктестік орнатып, әтір өндірісінде қолданылатын қоспа майларды алу жөнінде келісім жасаған еді.

Осы халықаралық тәжірибені жалғастыру мақсатында мектеп-гимназияның басшысы Алмагүл Тілектесқызының бастамасымен «Сервис және туризм» колледжінің директоры Салтанат Қайратқызымен меморандумға қол қойылды.

Ынтымақтастық нәтижесінде колледж студенттері мен мектеп оқушылары Вашингтоннан алынған әтір қоспа майларын пайдалана отырып, гүлдер мен жеміс-жидектер негізінде жаңа отандық иіссу өнімдерін дайындауды бастады.

Бұл жоба оқушылар мен студенттердің химия, технология және шығармашылық бағыттағы білімдерін тәжірибе жүзінде ұштастыруға мүмкіндік беріп отыр.

Қытайлық қандас Парижде «Қыз Жібек» атауымен иіссу шығарды Бүгін екі оқу орнының білім алушылары арнайы кездесіп, өзара тәжірибе алмасты.