Qazaq24.com, Sputnik.KZ дереккөзінен алынған ақпаратқа сүйене отырып мәлімет бөліседі..
АСТАНА, 4 наурыз – Sputnik. Елордалық коммуналдық қызметтер тәулік бойы күшейтілген режимде жұмыс істеп жатыр, деп хабарлайды Астана қаласының әкімдігі.
Өткен түні Елордада жүк көліктері 2 771 рет рейс жасап, қар полигондарына 45 633 текше метр қар шығарды.
"4 наурыз күні таңертең қалада қар мен мұзды тазалауға 1650 бірлік арнайы техника мен 2 998 жол жұмысшысы жұмылдырылды", - дейді әкімдікте.
Бірінші кезекте негізгі көше магистральдары мен қоғамдық көлік жолдары тазартылады. Осыдан кейін тазалау орташа қозғалыс қарқындылығы бар учаскелерде — аулаларда, алаңдарда, тротуарлар мен аялдамаларда жүргізіледі.
"Қыс мезгілінің басынан бастап қар полигондарына барлығы 6 млн 514 мың 447 текше метр қар 434 602 рейспен шығарылды", - дейді Астана әкімдігінде.
Тұрғындардың қауіпсіз қозғалысын қамтамасыз ету үшін жолдар, тротуарлар мен жаяу жүргіншілер аймақтары көктайғаққа қарсы материалдармен өңделеді.