Inform.KZ парақшасынан алынған деректерге сүйене отырып, Qazaq24.com мәлімдеме жасады..
Бұл істі қолға алғандардың бірі — Айдар Джумиян. Ол 2020 жылы «Нұрсая» ықшамауданынан жер алып, 20 миллион теңгеге аялдама салған. Қазір аялдама жолаушыларға арналған ашық алаң, жылы павильон және шағын гүл дүкені орналасқан үш блокты қамтиды.
— Бұған қоса, бізге тағы екі аялдама салу үшін учаскерлер сенімгерлік басқаруға берілуде. Көктемде Геолог ықшамауданында аялдамалар салуға кірісеміз. Кәсіпкерлер үшін 10 жыл — оңтайлы мерзім, осы уақытта қанша қаражат қажет болатынын есептеп, сапалы нысан тұрғызуға болады. Бұл кезеңде инвестициялар мен шығындардың өзіндік құны өтеледі. Біз гүлдерді өзіміз өсіріп, қалада сатамыз, сондықтан бізге өте ыңғайлы. Автобус күтіп тұрған адамдар дүкенге кіріп, біреуі гүл таңдаса, келесісі әдемі көріністі тамашалайды, — дейді Айдар Джумиян.
Қалалық қаржы бөлімі басшысының орынбасары Гүлжан Құлбаеваның айтуынша, кәсіпкерлер ашық конкурс арқылы e-qazyna.kz сайтында таңдалған.
— Сенімгерлік басқаруға алғандардан тек тазалық пен тәртіпті сақтау емес, 24 сағаттық бейнебақылау, күзет және инфрақұрылымды қадағалау міндеттері де жүктелген. Кәсіпкерлер қосымша аумақты коммерциялық мақсатта да пайдалана алады, — дейді Гүлжан Құлбаева
Атырау қаласы әкімдігінің баспасөз қызметі берген ақпаратқа бойынша қала аумағында әкімдіктің салған 23 аялдамасы бар. Олардың жұмысына, уақытылы ашып-жабылуына, тазалағына «Арнаулы Автобаза» ЖШС жауапты. Олардың бірқатары бұрын сенімгерлік басқаруға берілген еді. Алайда кәсіпкерлер нысанды әкімдікке кері тапсырды.
Осыған дейін Атырау облысында 600 мың гектарға жуық жер мемлекет меншігіне қайтарылды.