Атырау мұнай өңдеу зауытының зиянды шығарындылары 22% ға азайды Экология министрлігі

Sputnik.KZ парақшасынан алынған деректерге сүйене отырып, Qazaq24.com хабарлама жасады..

АСТАНА, 11 шілде – Sputnik. Экология және табиғи ресурстар министрі Ерлан Нысанбаев Атырау мұнай өңдеу зауытына жұмыс сапарымен барды.

Министрге кәсіпорында экологиялық талаптар қалай сақталатыны көрсетілді. "Жасыл Қазақстан" ұлттық жобасы аясында АМӨЗ-дің атмосфераға ластаушы заттар шығарындыларының көлемі 22%-ға қысқарып, 2020 жылғы 20 123 тоннадан 2025 жылы 15 642 тоннаға дейін азайды. Ал 2026 жылға арналған рұқсат етілген шығарынды көлемі 14 637 тоннаға дейін төмендетілді.

Ерлан Нысанбаев Атырау мұнай өңдеу зауытына жұмыс сапарымен барды

Сондай-ақ зауыттың өндірістік нысандарында негізгі ластаушы заттардың шоғырлануы мен технологиялық параметрлерді тәулік бойы бақылайтын эмиссиялар мониторингінің автоматтандырылған жүйесі енгізілгені хабарланды.

"Орташа көрсеткіштер әр 20 минут сайын Қоршаған орта мен табиғи ресурстардың жай-күйі туралы ұлттық деректер банкіне жіберіледі. Сонымен қатар кәсіпорында санитарлық-қорғау аймағының периметрі бойынша орналасқан атмосфералық ауаның сапасын бақылайтын төрт автоматты станциядан тұратын экологиялық мониторинг жүйесі жұмыс істейді", – деп хабарлады министрлік.

Ерлан Нысанбаев Атырау мұнай өңдеу зауытына жұмыс сапарымен барды

1/5

Ерлан Нысанбаев Атырау мұнай өңдеу зауытына жұмыс сапарымен барды

2/5

Ерлан Нысанбаев Атырау мұнай өңдеу зауытына жұмыс сапарымен барды

3/5

Ерлан Нысанбаев Атырау мұнай өңдеу зауытына жұмыс сапарымен барды

4/5

Ерлан Нысанбаев Атырау мұнай өңдеу зауытына жұмыс сапарымен барды

5/5

Ерлан Нысанбаев Атырау мұнай өңдеу зауытына жұмыс сапарымен барды

1/5

Ерлан Нысанбаев Атырау мұнай өңдеу зауытына жұмыс сапарымен барды

2/5

Ерлан Нысанбаев Атырау мұнай өңдеу зауытына жұмыс сапарымен барды

3/5

Ерлан Нысанбаев Атырау мұнай өңдеу зауытына жұмыс сапарымен барды

4/5

Ерлан Нысанбаев Атырау мұнай өңдеу зауытына жұмыс сапарымен барды

5/5

Ерлан Нысанбаев Атырау мұнай өңдеу зауытына жұмыс сапарымен барды

Экопосттардан алынған мәліметтер сағат сайын "Қазгидромет" РМК-ға жіберіліп, AirKz қосымшасына біріктіріледі және қала мен кәсіпорынның ақпараттық LED-экрандарында көрсетіледі. Бұдан бөлек, зауытта ағынды суларды механикалық тазарту қондырғысын қайта жаңғырту жұмыстары аяқталды.

"Жаңғырту нәтижесінде ағынды сулармен бірге түсетін ластаушы заттардың көлемі азайды, ал тазартылған суды қайта пайдалану көлемі 258 мың текше метрге жетті. Сондай-ақ буландырғыш тоғанның бірінші және екінші секторлары рекультивацияланды. Қалған секторлардағы жұмыстар жобаның келесі кезеңі іске асырылғаннан кейін орындалады", – деп атап өтті Экология министрлігі.

Сонымен қатар, 2026-2028 жылдары Атырау мұнай өңдеу зауыты өзінің әсер ету аумағында биоалуантүрлілікті зерттеу және мониторингтеу бағдарламасын жүзеге асырады.

Жағдайды бақылауды жалғастырыңыз, Qazaq24.com әрқашан ең жаңа жаңалықтарды ұсынады.