Azh.KZ дереккөзінен алынған мәліметтерге сүйене отырып, Qazaq24.com түсініктеме жасады..
Биыл Атырау қаласында 100 жаңа автобус аялдамасы орнату жоспарланып отыр. Жоба аясында тек жаңа аялдамалар салу ғана емес, мемлекеттік стандарттарға сәйкес келмейтін қолданыстағы аялдамаларды жаңғырту да көзделген.
Негізгі мақсат – қала тұрғындары үшін жайлы әрі қауіпсіз жағдай жасау.
Қалалық жолаушылар көлігі және автомобиль жолдары бөлімінің бас маманы Қайрат Қойшығали:
«Жақын арада мемлекеттік сатып алу порталында конкурс жарияланады. Мердігер анықталған соң құрылыс-монтаж жұмыстары басталады», – деді.
Жоба шеңберінде автобустарға арналған арнайы «қалталар», жол белгілері қарастырылып, орындықтар мен жолаушыларға жаңбыр мен желден қорған болатын жабық павильондар орнатылады. Вандализмнен қорғау мәселесіне ерекше назар аударылып, аялдамалар берік әрі ұзақ уақытқа жарамды етіп жасалады.
Қазіргі таңда қалада 198 аялдама бар. Жаңа нысандар алдымен Өркен, Самал және Балықшы ықшамаудандарында пайда болмақ.
Бүгін, 19:37