Qazaq24.com, Azh.KZ дереккөзінен алынған мәліметтерге сүйене отырып ақпарат бөліседі..
Атырау облысында браконьерлікке қарсы күрес күшейтілді. Прокуратураның тапсырмасымен тиісті мемлекеттік органдармен бірлесіп мобильдік топтар құрылды.
Олар су айдындары мен қолжетімсіз аумақтарды бақылау үшін 10 қызметтік автокөлікпен, екі аэрокайықпен, бес квадроциклмен, дрондар және басқа да арнайы техникамен жабдықталған.
Қадағалау органының мәліметінше, қазіргі уақытта 513 килограмнан астам заңсыз ауланған балық, 57 балық аулау құралы және 5 мотокөлік тәркіленді. Рейдтердің нәтижесінде 36 адам әкімшілік жауапкершілікке тартылып, бір адамға қатысты сотқа дейінгі тергеу басталды.
Прокуратура Қазақстан Конституциясына сәйкес азаматтар табиғи ресурстарға ұқыпты қарауға міндетті екенін еске салды. Заңсыз балық аулау үшін қылмыстық жауапкершілік қарастырылған, ол 12 жылға дейін бас бостандығынан айыру жазасына дейін жетуі мүмкін.
Мобильдік топтар өңірде экологиялық құқықбұзушылықтарды анықтау және жолын кесу жұмыстарын жалғастырады.
Бүгін, 13:12