Qazaq24.com, Azh.KZ дереккөзінен алынған мәліметтерге сүйене отырып мәлімдеме жасады..
«Атырау облысы Су Арнасы» КМК су беру уақытша тоқтатылатынын хабарлады.
2025 жылғы 28 қазан күні сағат 15:00-ден 18:00-ге дейін Самал-1 және Самал-2 шағынаудандарында орналасқан тұрғын үйлер мен әлеуметтік нысандарға су беру уақытша тоқтатылады.
Бұл шектеу Н. Үлкенбаев және С. Нармағамбетова көшелерінің қиылысында орналасқан диаметрі 110 мм су құбырына ысырмаларды ауыстыру бойынша апатты-қалпына келтіру жұмыстары жүргізілуіне байланысты енгізіліп отыр.
Су беру уақытша тоқтатылатын нысандардың қатарында:
№41 Ә. Кекілбайұлы атындағы мектеп-гимназия (Самал ш/а, А. Кекілбайұлы көш., №15А);
№39 «Ақ көгершін» балабақшасы (Самал ш/а, А. Кекілбайұлы көш., №60);
«Самғау» балабақшасы (Самал ш/а, №23 көше, уч. №51).
«Атырау облысы Су Арнасы» мекемесі тұрғындардан көрсетілген уақыт аралығында суды алдын ала жинап алуды және түсіністікпен қарауды сұрайды.
Бүгін, 12:27