Azh.KZ парақшасынан алынған деректерге сүйене отырып, Qazaq24.com хабарлама жасады..
18 желтоқсан күні Атырау қаласындағы Алиев көпірінде төтенше жағдай орын алды. Жедел басқару орталығының бейнебақылау камерасынан белгісіз адамның өзенге секірмек болғаны анықталған.
Хабар түскен бойда оқиға орнына учаскелік инспекторлар Ерболат Сапашев пен Бағытжан Сабырғалиев, сондай-ақ патрульдік полиция қызметкерлері Сұлтан Сапарғалиев пен Нұржан Ахметжан жетті. Олар көпір үстінде тұрған 45 жастағы ер адамды байқап, сөйлесіп, сабырға шақырды.
Полицейлердің кәсіби әрі батыл әрекеттерінің арқасында азамат қауіпсіз жерге шығарылып, кейін полиция бөліміне жеткізілді.
Қазіргі уақытта жедел-тергеу тобы ер адамның мұндай қадамға баруына не себеп болғанын анықтау үшін тексеріс жүргізіп жатыр.
Атырау Облысы Полиция Департаменті (@police.atyrau)'in paylaştığı bir gönderi
Бүгін, 14:46