Qazaq24.com, Tengrinews.KZ дереккөзінен алынған мәліметтерге сүйене отырып түсініктеме береді..
Желіде Атырауда жарылыс салдарынан қазандық қирап қалғаны туралы ақпарат тарады. Оқиғаға қатысты өңірлік ТЖД пікір білдірді, деп хабарлайды Tengrinews.kz.
"Қазандықтағы жарылыс": не болды?
Бүгін таңертең Атыраудың Авангард-2 шағынауданында үш қабатты ғимаратқа жапсарлас салынған қазандықта жарылыс болғаны хабарланды. Жарылыстан кейін өрт шықпаған. Желіде оқиға орнынан видео жарияланды.
ТЖД не дейді?Біз пікір алу үшін Атырау облысы ТЖД баспасөз қызметіне хабарластық. Ведомство ақпаратты растады.
"Атыраудың Авангард-2 шағынауданында үш қабатты ғимаратқа жапсарлас салынған қазандықта газ-ауа қоспасы жарылды, өрт шыққан жоқ. Оқиға орнына ТЖД бөлімшелері барды. Жарылыс салдарынан қазандықтан 12 метр жерде орналасқан көппәтерлі тұрғын үйдің терезелері мен екі жеңіл автокөлік зақымданды. Бір адам зардап шегіп, ауруханаға жатқызылды", - деп хабарлады ведомство.
Оқиға орнында ТЖД, полиция және ТЖМ Апаттар медицинасы орталығының қызметкерлері жұмыс істеп жатыр. Оқиғаның себебі мен мән-жайы анықталып жатыр.
Еске сала кетейік, бұған дейін куәгерлер Алматыда Esentai City тұрғын үй кешені аумағында жарылыс болғанын хабарлаған еді. Ол кезде жағдайға қатысты қала әкімдігінің баспасөз қызметі пікір білдірді. Алдын ала мәліметтер бойынша, оқиғаға табиғи газдың тарауы себеп болуы мүмкін.
Бізді Google-дың негізгі дереккөздер тізіміне қосыңыз
Қосу