Qazaq24.com, Egemen.KZ дереккөзінен алынған ақпаратқа сүйене отырып жаңалық таратты..
Ауқымды фестивальге Қазақстан, Ресей, Қырғызстан және Өзбекстаннан 100-ге жуық сәндік-қолданбалы өнер шеберлері қатысты.
Олар киізден және зергерлік бұйымдардан бастап ағаш оюларына, ұлттық музыкалық аспаптарға, тоқуға және этно дизайнға дейін 4000-ға жуық авторлық бұйымдарды ұсынды.
Фестивальге қатысқан облыс әкімі Серік Шапкенов экспозициямен танысып, халық қолөнерін сақтау мен насихаттаудың маңыздылығын атап өтті.
«Халық қолөнері – бұл ұлттың жаны мен бірегейлігі. Онда қазіргі заманғы шеберлер сақтаған ата-бабалардың еңбегі, таланты мен рухани мұрасы бейнеленген. Атырау облысы тарихы бай, дәстүрі мен бірегей мәдениеті бар өңір. «ШеберFEST» фестивалі – халық шеберлерін қолдау және жастар арасында ұлттық өнерді дәріптеу үшін маңызды шара, - деді С.Шапкенов.
Ұлттық мереке атмосферасын этнодефиле, дәстүрлі тағамдар көрмесі және қазақтың ұлттық ойындары толықтырды. Фестиваль жергілікті әртістердің қатысуымен өтетін концерттік бағдарламамен жалғасады. Ал кештің басты кейіпкері Қазақстандық әнші BAYANSULU болды.
Айта кетейік, фестиваль 23 мамырға дейін жалғасады. Келушілерге шеберлік сабақтар, концерттік бағдарламалар және қазақ халқының бай мәдени мұрасымен таныстырылады. Шетелдік және қазақстандық шеберлер тігу, ұлттық керамика, балшықпен жұмыс және «бізкесте» кестелеу өнерінің құпияларымен бөлісетін болады. Қатысушылар қолөнершілердің жұмысын бақылап қана қоймай, өз қолдарымен бұйымдар жасауға тырысады.