Qazaq24.com, Sputnik.KZ дереккөзінен алынған мәліметтерге сүйене отырып жаңалық жариялады..
АСТАНА, 26 тамыз – Sputnik. Атырауға шұғыл қонған "Аэрофлот" әуе компаниясының ұшағында бір жолаушы көз жұмды, деп хабарлайды Sputnik Қазақстан.
Ұшақ Анталия – Екатеринбург бағытымен ұшып келе жатқан. Алайда борттағы ер адамның жағдайы күрт нашарлаған. Осыған байланысты ұшақ экипажы Атырау әуежайына шұғыл қону туралы шешім қабылдаған.
Ұшақты әуежайда жедел жәрдем қызметі күтіп алды. Дәрігерлер бортқа көтерілгенімен, ер адам есін жимастан көз жұмды.
Көліктегі полиция 25 тамызда адам өлімін тіркеп, оқиғаның барлық мән-жайын анықтауға бағытталған тексеру жұмыстарын бастады.
"Өлімнің алдын ала себебі – жедел жүрек жеткіліксіздігі", – деп хабарлады полиция.
Марқұмның денесі ұшақтан түсірілді. Онымен бірге болған әйел де Атырауда қалды. Ал қалған жолаушылар мінген ұшақ Екатеринбургке қарай ұшып кетті.