Qazaq24.com, Azh.KZ дереккөзінен алынған ақпаратқа сүйене отырып жаңалық таратты..
Атырау облысының қылмыстық істер жөніндегі мамандандырылған ауданаралық сотына Жангелдин ауылында отбасы мүшелерін өлтіру ісі түсті.
Істі өңірде ең күрделі әрі резонансты қылмыстық процестерді жүргізіп келе жатқан тәжірибелі судья Зарема Хамидуллина қарайды.
Алғашқы сот отырысы 18 мамыр күні сағат 11:00-де өтеді. Процесс ашық режимде жүргізілмек.
Басты айыпталушы — Сұлтан Сәрсемалиев. Ол қазір Атырау тергеу изоляторында сотты күтуде.
Бұған дейін «Ақ Жайық» басылымы хабарлағандай, Сәрсемалиев төрт адамды — қайын атасы мен енесін, сондай-ақ жұбайының бауыры мен сіңлісін өлтіргенін мойындаған.
Үлкендердің денесі үйдің сарайында көмілген күйде табылды. Екі жас туысын, тергеу дерегіне сәйкес, ол басқа ауылда, бұрын жұбайымен тұрған уақытша баспана жанында жерлеген.
Бұл іс қоғамда үлкен резонанс тудырып, өңір тұрғындарының жіті назарында қалып отыр.
Айгүл МАНСУРОВА
Бүгін, 14:29