Qazaq24.com, Sputnik.KZ дереккөзінен алынған ақпаратқа сүйене отырып мәлімет бөліседі..
АЛМАТЫ, 28 мамыр – Sputnik. Атырауда тұрғындар темекіні дәруменге айырбастады, деп хабарлайды Polisia.kz.
Атырау облысы полиция департаментінің есірткі қылмысына қарсы іс-қимыл басқармасы жастар ресурстық орталығымен бірлесіп, "Темекіні дәруменге айырбаста" атты акция ұйымдастырды. Іс-шараның негізгі мақсаты – тұрғындарды зиянды әдеттерден бас тартуға шақыру.
"Шара барысында қатысушыларға темекіні дәрумендерге айырбастау ұсынылып, денсаулыққа пайдалы өнімдер таратылды", - деп жазылған хабарламада.
Нәтижесінде 30-ға жуық қала тұрғыны темекіден бас тартып, зиянды әдеттен арылуға ниет білдірді.