Azh.KZ парақшасынан алынған деректерге сүйене отырып, Qazaq24.com жаңалық жариялайды..
Әулиекөл ауданында мемлекеттік грант қаражатын мақсатсыз пайдалану фактісі анықталып, мемлекетке келтірілген залал толық өтелді.
2023 жылы азаматқа кәсіпкерлік бастаманы жүзеге асыру үшін 1 380 000 теңге көлемінде грант берілген. Алайда сатып алынған жабдық мәлімделген мақсатта қолданылмаған және оның техникалық сипаттамалары есептік құжаттардағы деректерге сәйкес келмеген.
Прокуратура материалдары негізінде алаяқтық белгілері бойынша сотқа дейінгі тергеп-тексеру басталды. Тергеу барысында грант алушы кінәсін мойындап, мемлекетке келтірілген залалды толық өтеп, 1,38 млн теңгені бюджетке өз еркімен қайтарды.
Кінәні мойындауы, залалды ерікті түрде өтеуі және заңнамада көзделген өзге мән-жайлар ескеріліп, қылмыстық іс ақталмайтын негіздер бойынша тоқтатылды.
Әулиекөл ауданының прокуратурасы мемлекеттік гранттар нақты бизнес-жобаларды жүзеге асыру үшін берілетінін еске салып, бюджет қаражатын мақсатсыз пайдалану заң бойынша жауапкершілікке әкелетінін атап өтті.
Кеше, 12:32