Qazaq24.com, Egemen.KZ дереккөзінен алынған мәліметтерге сүйене отырып жаңалық жариялады..
25-29 қараша аралығында Астана қаласында өткен ауыл мектептері оқушыларына арналған республикалық олимпиадада жаратылыстану-математикалық бағыт бойынша 36 оқушы бақ сынады. Алматы облысының оқушылары айқын жеңіске жетіп, 18 жүлделі орынға ие болды, деп хабарлайды Egemen.kz.
Олимпиада қорытындысы бойынша Алматы облысының оқушылары келесі нәтижелерге жетті. І орынды 6 оқушы, атап айтсақ, Қарасай ауданы «Долан ауылындағы жайлы мектептің» 10 сынып оқушысы Олег Теремко, Талғар ауданы №29 орта мектептің 10 сынып оқушысы Расулжан Аюпов, осы ауданның «Дана» ЖББМ-нің 10 сынып оқушысы Альберт Мацлер, Іле ауданы №38 мектеп-гимназияның 11 сынып оқушысы Әділет Нұрланұлы және №36 орта мектептің 9 сынып оқушысы Айару Бекмұхамет, Еңбекшіқазақ ауданы Рахат ауылдық округі №1 орта мектебінің 11 сынып оқушысы Нұрислам Адбыхамыт иеленіп, алтын медаль тақты.
Жүлделі ІІ орынды (күміс) 7 оқушы, ІІІ орынды (қола) 5 оқушы иеленіп, мерейлері үстем болды.
Командалық есепте Алматы облысы І орынды иеленді, бұл облыстың ауыл мектептері оқушыларының білім деңгейінің жоғары екенін тағы бір мәрте дәлелдеді.
Алматы облысы