Qazaq24.com, Azh.KZ дереккөзінен алынған мәліметтерге сүйене отырып ақпарат жариялайды..
Қазақстандағы автокөлік жуу орындарына көліктерді орталықтандырылған су құбырынан келетін кәдімгі ауызсумен жууға тыйым салынуы мүмкін. Үкіметте жаңа ережелер мен шектеулер әзірленіп жатыр.
Тиісті түзетулерді әзірлеу туралы Үкімет отырысында Су ресурстары және ирригация министрі Нұржан Нұржігітов мәлімдеді.
Оның айтуынша, елде бизнес пен өнеркәсіп орындарын суды үнемдеуге және оны тиімсіз пайдалануды тоқтатуға міндеттеу үшін заңнамалық талаптар күшейтіліп жатыр.
«Заңнаманы одан әрі жетілдіру мақсатында Автожуу станцияларының технологиялық процестерінде орталықтандырылған ауызсуды пайдалануды шектеуді көздейтін Су кодексіне түзетулер дайындалды», — деді Нұржігітов.
Басқа салаларға да қатаң талаптар енгізіледі:
Өнеркәсіп: кәсіпорындар кезең-кезеңімен айналымдық және қайталама сумен жабдықтау жүйесіне көшуге міндеттеледі. 2030 жылға қарай суды қайта пайдалану үлесін 28%-ға жеткізу жоспарланып отыр.
Коммуналдық сектор: коммуналдық-тұрмыстық салада суды үнемдеу және инфрақұрылымды жаңғырту арқылы жылына 260 миллион текше метрге дейін су үнемдеу көзделіп отыр.
Бүгін, 10:32