Tengrinews.KZ парақшасынан алынған ақпаратқа сәйкес, Qazaq24.com хабарлайды..
Қостанай облысы Арқалық қаласы аумағындағы Қамыс саяжай кентінің тұрғындары жол жағдайына шағымданды. Көше мибатпаққа айналған. Адамдар, соның ішінде балалар, жалаң аяқ жүруге немесе аяқтарына пакет киюге мәжбүр, - деп хабарлайды Tengri Life.
Батпаққа тіпті ауыр жүк көліктері батып жатыр
Мәселе туралы редакцияға жергілікті белсенді Талғат Нұрманов айтып берді. Оған наразы тұрғындар көмек сұрап жүгінген.
Оның айтуынша, күзгі жаңбыр басталғалы көшенің берекесі кетіп, батпаққа айналған. Аудан ішінде көлік немесе жаяу жүру мүмкін емес – аяқ балшыққа батып, аяқкиім лезде батпақ болады.
"Бұл кент бірнеше шақырым жерде емес, ол тура қаланың ішінде, орталық базардың дәл қасында орналасқан. Осыдан бірнеше жыл, шамамен төрт-бес жыл бұрын мұнда жаңа асфальт төселген болатын. Ал биыл бұрын болмаған кәріз жүйесін жүргізуді ұйғарды. Содан жаңа асфальтты сыпырып тастады", – деді белсенді.
Көшелердегі батпаққа тіпті жүк көліктері де батып қалып жатыр.
Видео кадрлары
Әкімдік не дейді?Арқалық әкімдігі Tengrinews.kz сауалына берген жауабында қолайсыздықтар инженерлік желілердің құрылысына байланысты туындағаннын айтты. Қазіргі уақытта Дачный шағынауданындағы Жауке батыр көшесінде "Арқалық қаласының кәріз желілерін реконструкциялау" жобасы жүзеге асырылып жатыр.
Жергілікті билік мәліметінше, көшенің тарлығы мен өзге де жерасты коммуникацияларының болуына байланысты кәріз құбырлары тікелей көшенің орталық бөлігімен тартылып жатыр.
"9 қыркүйекте Арқалық әкімі шағынаудан тұрғындарымен кездесу өткізді. Халыққа алдағы жұмыстар мен ықтимал уақытша қолайсыздықтар туралы ақпарат берілді, сондай-ақ жылыту маусымына көмірді алдын ала дайындап алу ұсынылды. Тұрғындарға жоба аясында негізгі кәріз желісі тартылып жатқаны түсіндірілді.
Шағынаудан тұрғындары үйлерді орталықтандырылған кәріз жүйесімен тезірек қамтамасыз етуге мүдделілік танытып, жобаның іске асуын қолдады", – деп хабарлады әкімдік.
Қала әкімшілігі мердігер ұйым күн райы оңалған кезде қолайсыздықтарды азайту бойынша шаралар қабылдайтынына – артық топырақты шығарып, аумақты тегістеп, жолға тас төсейтініне сендірді.
Дегенмен тұрғындарға асфальттың қайта төселуін күтуге тура келеді.
"Негізгі желіні тарту жұмыстары аяқталғаннан кейін тұрғындар абоненттік желілерді қосу жұмыстарын жүргізетінін ескере отырып, көшені толықтай асфальттау осы жұмыстар аяқталған соң 2027 жылы жүргізіледі деп жоспарланған", – деп түйіндеді әкімдік өкілдері.
"Қазгидромет" деректері бойынша, бүгін Арқалықта күн 11 градус жылы, бұлтты және өткінші жаңбыр жаууы мүмкін.
Бізді Google-дың негізгі дереккөздер тізіміне қосыңыз
Қосу