Ажалын жоғалтқан адамның тұсауы кесілді

Qazaq24.com, Egemen.KZ дереккөзінен алынған ақпаратқа сүйене отырып жаңалық таратады..

Елордадағы Ұлттық академиялық кітапханада белгілі қаламгер Сайлау Байбосынның «Ажалын жоғалтқан адам» атты романының тұсаукесері өтті.

Ұлттық академиялық кітапхана мен «Амангелді Иман» қоғамдық қоры бірлесіп ұйымдастырған іс-шарада Жазушылар одағының мүшесі, Қазақстанның еңбек сіңірген мәдениет қызметкері, Ерейментау мен Баянауыл аудандарының құрметті азаматы Сайлау Байбосын алғашқы сөзді алып, Астана мен Алматыдан жырақтағы қаламгерлердің шығармашылығы жіті бағалана бермейтінін, сол себепті де өңірдегі жазушылар назардан тыс қалатынын тілге тиек етті. Осы олқылықтың орнын толтыру мақсатында Астананың әдебиетсүйер қауымына «Ажалын жоғалтқан адам» атты романын таныстыруды көздеп келгенін жеткізді.

Парламент Сенатының депутаты Алтынбек Нұхұлы, Мәжіліс депутаттары Қазыбек Иса, Нұржан Әшімбетов, сондай-ақ профессор Серік Негимов, жазушылар Мәди Айымбетов, Нұржан Қуантайұлы, Айгүл Кемелбаева, Жұмағали Қоғабай жаңа роман тақырыбының тосындығын, композициялық құрылымын, оқиға өрбітуін, тіл жатықтығын, басқада жетістіктерін айта келіп, бүгінгі заманауи прозаға қосылған өз айтары бар шығарма екенін атап өтті.

Мәселен, филология ғылымдарының докторы Серік Негимов сөйлеп, аталған романды қызыға оқып шыққанын, туындыда автор санаулы кейіпкерлердің тағдыры арқылы адамзатқа ортақ мәңгілік құндылықтарды, адалдық пен сатқындықты, мейірім мен қатыгездікті, махаббат пен төзімділікті тереңнен ашқанын әңгімеледі. «Кітапты оқып отырып, бас кейіпкермен бірге қиналдық. Романдағы оқиғалардың шынайылығы сондай, денемізді түршіктірді», деді. Ал сенатор Алтынбек Нұхұлы автордың ақындығы мен өлкетанушы ретіндегі еңбегіне арнайы тоқталып, прозадағы осы бір үлкен туындысы бүгінгі оқырманның іздеп жүріп оқитын дүниесі болатынына сенім білдірді.

Соңғы жаңалықтар

Асыл мұрамызды әлемге қалай танытамыз?

Руханият • Бүгін, 08:15

Михаил Шайдоров – Олимпиада чемпионы!

Олимпиада • Бүгін, 08:10

Өрнекпен өрілген өнер

Өнер • Бүгін, 08:05

«Ажалын жоғалтқан адамның» тұсауы кесілді

Басылым • Бүгін, 08:00

Іле Алатауы саябағында жабайы аң фототұзаққа түсіп қалды

Жануарлар • Кеше

Ұлытау облысында инвестициялық жобалар талқыланды