Qazaq24.com, Sputnik.KZ дереккөзінен алынған мәліметтерге сүйене отырып ақпарат бөліседі..
АСТАНА, 24 ақпан – Sputnik. Петропавлда жасөспірім оқу орындарының біріне қарулы шабуыл жасалады деп жалған ақпарат таратқан, деп хабарлайды Polisia.kz.
Оқушы Telegram-арна ашып, облыстық мамандандырылған мектеп-интернатқа шабуыл жасалады деген мазмұнда хабарлама жариялаған.
Сонымен қатар қауіптің алдын алу үшін ақша аударуды талап еткен. Ақпаратты жариялағаннан кейін ол бұл хабарламаны аталған мектептің оқушыларына мессенджер арқылы таратып жіберген.
"Кәмелетке толмаған жасөспірім 2024 жылға дейін осы білім беру мекемесінде оқыған. Өз әрекетін "әзілдегім келді" деп түсіндірген. Қазіргі уақытта күдікті анықталып, тиісті тергеу амалдары жүргізілуде", - дейді полицияда.
Министрлік өкілдері көрінеу жалған терроризм актісі туралы хабарлағаны үшін қылмыстық жауапкершілік көзделгенін ескертеді. Мұндай әрекеттер қоғамда дүрбелең туғызып, азаматтардың алаңдаушылығын арттырады және заң аясында ауыр салдарға әкеледі, дейді полиция.