Qazaq24.com, Sputnik.KZ дереккөзінен алынған мәліметтерге сүйене отырып мәлімдеме жасады..
АСТАНА, 23 қаңтар – Sputnik. Біріккен Араб Әмірліктерінің Сыртқы істер министрлігі Ресей, АҚШ және Украина делегациялары арасындағы келіссөз басталғанын мәлімдеді. Келіссөз сенбі күні де жалғасады, деп хабарлайды РИА Новости.
Қауіпсіздік мәселелері бойынша Ресейдің жұмыс тобы жұма күні таңертең Абу-Дабиге ұшып барды. Делегация Қорғаныс министрлігінің өкілдерінен құралған, алайда Кремль оның нақты құрамын әзірге жариялаған жоқ. Қажет болған жағдайда тараптар жұма және сенбі күндері қосымша кездесу өткізеді.
Жұмаға қараған түні Ресей президенті Владимир Путин Кремльде АҚШ делегациясымен келіссөз жүргізді. Кездесу қорытындысы бойынша Ресей мен АҚШ екі ел мен Украина өкілдерінің қатысуымен қауіпсіздік мәселелері жөніндегі жұмыс тобының алғашқы отырысын өткізуге келісті.
РФ президентінің көмекшісі Юрий Ушаковтың айтуынша, америкалық тарап Анкориджде келісілген формула аясында аумақтық мәселені шешпейінше, ұзақ мерзімді реттеуге қол жеткізу қиын екенін мойындаған.