Tengrinews.KZ парақшасынан алынған деректерге сүйене отырып, Qazaq24.com мәлімдеме жасады..
Батыс Қазақстан облысының әкімдігі Жайық жағасында орналасқан шипажайдағы үлесін 9 жылдан бері сата алмай келеді. Биыл олар үлесті нақты құнынан үш есе қымбат бағаға саудаға шығаруды ұйғарды. Алайда бұл жолы да сатып алушылар табылмаған. Шипажайдың нақты құны қанша, оны осыған дейін неше рет сатпақ болды, нысан туралы не белгілі және оның көрінісі қандай Tengrinews.kz материалында.
Батыс Қазақстан облысының әкімдігі Жайық жағасында орналасқан шипажайдағы үлесін 9 жылдан бері сата алмай келеді. Биыл олар үлесті нақты құнынан үш есе қымбат бағаға саудаға шығаруды ұйғарды. Алайда бұл жолы да сатып алушылар табылмаған. Шипажайдың нақты құны қанша, оны осыған дейін неше рет сатпақ болды, нысан туралы не белгілі және оның көрінісі қандай Tengrinews.kz материалында.
Не болды?Мәселе Оралдан 45 шақырым жерде орналасқан "Ақжайық" шипажайы туралы болып отыр. 2026 жылғы 17 наурызда БҚО әкімдігі шипажайдағы 29,59 пайыз үлесін электронды сауда-саттықта 1,4 миллиард теңгеге сатпақ болды. Бұл бағаны төмендету әдісімен өтетін аукциондағы бастапқы баға.
Бір қарағанда ерекше ештеңе жоқ сияқты. Бірақ лотқа мүлікті бағалау туралы есеп қоса берілген.
Есепке сәйкес, тәуелсіз сарапшылардың бағалауы бойынша, бүкіл шипажайдың құны шамамен 1,6 миллиард теңге болады.
e-qazyna.kz сайтынан скриншот
Бұл ретте әкімдік сатып жатқан үлес 489 миллион теңгеге бағаланып отыр, бұл сауда-саттықта көрсетілген бастапқы бағадан үш есе төмен.
e-qazyna.kz сайтынан алынған деректер
Алайда, жоғарыда жазғанымыздай, "Ақжайықтың" 30 пайызға жуық үлесін сатып алуға ниет білдіргендер болмаған. Сауда-саттық өтпеді деп танылды.
Шипажайдың көрінісі қандай?"Электронды аукцион басталған кезде аукцион залында сату нысаны бойынша тіркелген қатысушылар болған жоқ", - делінген порталда.
"Ақжайық" шипажайы осыдан 40 жыл бұрын Жайық өзені жағасында ашылған.
akzhaiyk.kz сайтынан скриншот
Ол Оралдан 45 шақырым жерде орналасқан. Оның аумағында минералды су ұңғымалары бар.
e-qazyna.kz сайтынан скриншот
Лот профилінде жарияланған фотосуреттерге қарағанда, онда сауна да бар.
akzhaiyk.kz сайтынан скриншот
Ал демалыс пен ойын-сауық тұрғысынан шипажайда мыналар ұсынылған:
akzhaiyk.kz сайтынан скриншот
Шипажайдағы бөлменің құны тәулігіне 21 500 теңге болады. Бұл бағаға күніне бес уақыт тамақтану кіреді. Бөлме түрі мынадай:
akzhaiyk.kz сайтынан скриншот
2GIS қосымшасында шипажай туралы 22 пікір қалдырылған, көпшілігі жағымсыз: пайдаланушылар қызметкерлермен қарым-қатынастағы қиындықтарға, нысанның жай-күйі мен бағаның жоғары болуына шағымданған екен.
2GIS скриншоты
Шипажайды қалай сатпақ болды және одан не шықты?БҚО әкімдігі шипажайдағы үлеске компания құрылған сәттен бастап, 18 жылдан аса уақыт бойы иелік етіп келеді. Облыс билігі бұл үлесті бірнеше рет сатуға тырысқан.
БАҚ мәліметінше, 2017 жылы "Ақжайық" шипажайындағы 12,25 пайыз үлес сатылымға шығарылған. Ол кезде бастапқы баға 56 миллион теңге болды. Алайда аукцион өтпеді: оған тек бір ғана қатысушы өтінім берген.
"Сауда-саттық 2017 жылғы 14 сәуірге белгіленді. Оған қатысушы болу үшін әлеуетті сатып алушы 8 миллион теңге көлемінде кепілдік жарна төлеуі тиіс болатын. Алайда сауда-саттыққа қатысуға тек бір ғана қатысушы (ол туралы ақпарат жарияланбайды) ниет білдіргендіктен, ол өтпеді деп танылды", - делінген сайтта.
Сол кезде шипажайдың түрі мынадай болатын:
Фото uralskweek.kz
2025 жылдың басында әкімдік өз үлесін тағы да сатуға тырысты. 30 пайызға жуық үлес 475 миллион теңгеге шығарылды. Бірақ ол кезде де сатып алушы табылмады.
e-qazyna.kz сайтынан скриншот
Бір жылдан кейін, 2026 жылғы 17 наурызда тағы бір әрекет жасалды. Ол кезде үлес 1,4 миллиард теңге бастапқы бағамен сатылды. Бірақ бұл жолы да нәтиже болмады.
Шипажай кімге тиесілі және ол туралы не белгілі?Шипажайдың үш иесі бар "Санаторий "Ақжайық" ЖШС арқылы жұмыс істейді.
Kompra.kz дерегі бойынша, негізгі үлес Қазақстан кәсіподақтар федерациясына тиесілі (70 пайыз). Ол шамамен 1,1 миллиард теңгеге бағаланады.
Анықтама. Қазақстан кәсіподақтар федерациясы — қызметкерлердің еңбек және әлеуметтік-экономикалық құқықтарын білдіретін және қорғайтын коммерциялық емес ұйым, сондай-ақ мемлекетпен және жұмыс берушілермен диалогқа қатысады. Федерация әлеуметтік әріптестік жүйесіне кіреді және еңбек, жалақы мен әлеуметтік кепілдіктер мәселелері бойынша келісімдерге қол қояды.
Тағы 29 пайызы БҚО әкімдігінің мемлекеттік сатып алу басқармасына тиесілі — бұл үлес 489 миллион теңгеге бағаланған.
Қалған үлес жеке тұлға Нұрсұлу Ережеповаға тиесілі. Компанияны Альберт Сафуллин басқарады.
Кейінгі жылдары шипажай жалпы құны 216 миллион теңге болатын 23 мемлекеттік келісімшартқа қатысқан. Сондай-ақ компания 9 сот ісіне тартылып, оның 7-іне жауапкер ретінде қатысқан.
Табыс жағдайы тұрақсыз болды. 10 жыл ішінде компания шамамен 254 миллион теңге салық төлеген. 2018-2019 жылдары өзгеріс байқалды. Бұл құрылтайшылар құрамының ауысуымен және жаңа басшының келуімен тұспа-тұс келді.
Kompra.kz сервисінен скриншот
Кейін жағдай тұрақтала бастады. 2025 жылы рекордты көрсеткіш тіркелді: компания 43 миллион теңге салық төледі. Бұл шипажайдың соңғы 10 жылда ең жоғары табыс тапқанын білдіреді.
Әкімдік жұмыс істеп тұрған шипажайдағы үлесін неге сатып жатқаны және кезекті сәтсіз әрекеттен кейін не істейтіні әзірге белгісіз. Tengrinews.kz БҚО әкімдігіне ресми сауал жолдады.