Qazaq24.com, Aikyn.KZ дереккөзінен алынған мәліметтерге сүйене отырып мәлімдеме жасады..
Күні кеше Алматы облысы Қарасай ауданына қарасты Гүлдала ауылында адам өліміне алып келген жол-көлік оқиғасы болды, – деп хабарлайды Aikyn.kz.
Жүргізушінің айтуынша, бағдаршамның жасыл шамы жанып-өшіп, қарсы бағыттағы көліктер тоқтай бастаған сәтте ол Қазыбек би көшесінің қиылысында солға бұрылған. Осы кезде қиылысқа жоғары жылдамдықпен Renault Kaptur көлігі кіріп кеткен.
Қатты соққы салдарынан Chevrolet көлігі кері бағытқа қарай айналып кеткен. Ал басқарудан шыққан Renault жол жиегіне шығып, әрі қарай барып ағашқа соғылған.
Алдын ала болжам бойынша, Renault жүргізушісі қауіпсіздік белдігін тақпаған болуы мүмкін. Бұған алдыңғы әйнектің қатты сынғаны дәлел бола алады.
Өкінішке қарай, 39 жастағы Renault жүргізушісі алған жарақаттарынан оқиға орнында көз жұмды.
Алматы облысы Полиция департаментінің баспасөз қызметінің мәліметінше, жол апаты Алматы – Көкпек – Көктал автожолының 15-шақырымында болған. Алдын ала дерек бойынша, Renault жүргізушісі бағдаршамның тыйым салынған белгісіне өтіп, Chevrolet көлігімен соқтығысқан.
Аталған факті бойынша қылмыстық іс тіркелді. Қазіргі уақытта жол-патрульдік полиция қызметкерлері бейнебақылау камералары арқылы оқиғаның мән-жайын анықтап, қажетті тергеу амалдарын жүргізіп жатыр.
Тергеу жалғасып жатыр.