Inform.KZ парақшасынан алынған ақпаратқа сүйене отырып, Qazaq24.com хабарлама жасады..
Бахрейн Денсаулық сақтау министрлігінің мәліметінше, 9 наурыз күні зардап шеккендердің төртеуінің жағдайы ауыр.
Ал Бахрейн Ішкі істер министрлігі ұшқышсыз ұшу аппараттарының шабуылы кезінде жағалауда орналасқан Ситра қаласындағы көптеген тұрғын үйге зақым келгенін мәлімдеді.
Сонымен қатар Бахрейннің мемлекеттік мұнай-газ компаниясы Bapco Energies 9 наурыз күні Таяу Шығыстағы болып жатқан өңірлік қақтығыс пен мұнай өңдеу кешеніне жасалған соңғы шабуылға байланысты форс-мажор жариялаған.
Таяу Шығыстағы шиеленістің күшеюі
28 ақпан күні Израиль мен АҚШ Иранға қарсы соққылар жасай бастады. Шабуылдар Иранның ядролық бағдарламасына қатысты келіссөздер жүріп жатқан кезеңде жүзеге асқан.
Бұған жауап ретінде Иран Израильге, сондай-ақ өңірдегі АҚШ әскери базалары орналасқан бірқатар елге — Катар, Біріккен Араб Әмірліктері және Бахрейнге соққы жасаған.
АҚШ пен Израиль шабуылдарының салдарынан Иранның жоғарғы жетекшісі Әли Хаменеи және бірқатар жоғары лауазымды тұлға қаза тапқан.
Осыған дейін Иран Парсы шығанағындағы АҚШ-тың әскери нысандарына шабуыл жасағаны туралы жаздық.