Бәйтеректің алдында бейәдеп суретке түскен студент 5 тәулікке қамалды

Egemen.KZ парақшасындағы ақпаратқа сәйкес, Qazaq24.com хабар таратты..

Астанада 19 жастағы студент «Бәйтерек» монументінің жанында әдепсіз суретке түсіп, оны әлеуметтік желіге жариялағаны үшін жауапқа тартылды. Сот шешімімен оған бес тәулік әкімшілік қамауға алу жазасы тағайындалды, деп хабарлайды Egemen.kz.

Полиция қызметкерлері әлеуметтік желілерге мониторинг жүргізу барысында елорданың басты символының аясында жасалған ерсі әрекетті анықтаған. Көп ұзамай тәртіп сақшылары 19 жастағы қала тұрғынын ұстап, полиция бөлімшесіне жеткізді. Оның әрекеті «Ұсақ бұзақылық» бабы бойынша бағаланып, іс материалдары сотқа жолданды.

«Сот К. есімді азаматтың «Бәйтерек» монументінің жанында әдепсіз суретке түсіп, оны интернет желісіне орналастырғанын анықтады. Бұл әрекет қоғамдық тәртіпті бұзу және азаматтардың тыныштығын алу болып саналады. Құқық бұзушының әрекеті «Бәйтерек» монументін пайдалана отырып, әдепсіз визуалды жест жасау арқылы көрініс тапқан, бұл қоғамға деген анық құрметсіздік пен мінез-құлық нормаларын бұзуды білдіреді», делінген сот хабарламасында

Сот отырысында студент кінәсін толық мойындап, өкініш білдірді. Сот шешім қабылдау кезінде құқық бұзушының жас ерекшелігі мен студенттік мәртебесін ескере отырып, оны 5 тәулікке қамауға алу туралы үкім шығарды.

Үкім заңды күшіне енген жоқ.

Соңғы жаңалықтар

Бүгінгі теңге бағамы қандай?

Қаржы • Бүгін, 09:00

Ерқат Биғалиұлы: Экономиканы цифрландыру объективті қажеттілікке айналды

Қоғам • Кеше

Алдағы үш күнде ауа райы қандай болады?

Ауа райы • Кеше

Қазақстанның екі дзюдошысы Grand Slam турнирінің жартылай финалына шықты

Спорт • Кеше

Елордада Жеңіс күніне арналған пойыздар жолға шықты

Қоғам • Кеше