Sputnik.KZ дереккөзінен алынған мәліметтерге сүйене отырып, Qazaq24.com түсініктеме жасады..
АСТАНА, 4 маусым – Sputnik. Сенат депутаттары Қылмыстық кодекске енгізілген өзгерістерді қолдады, деп хабарлайды Sputnik Қазақстан тілшісі.
Сенатор Марат Қожаевтың айтуынша, түзетулер сотталған әйелдердің құқықтарын бөлек қарастырып, олардың жағдайын жақсартуға басымдық береді. Сондай-ақ кәмелетке толмаған баласы бар әйелдер мен ер азаматтарға қатысты да маңызды өзгерістер енгізілген.
"Атап айтқанда, олар жылына екі рет балаларымен кездесу үшін қауіпсіздігі төмен мекемеден қысқа мерзімге шыға алады. Сонымен қатар, қазіргі таңда телефонмен сөйлесуге қатысты шектеулер бар. Ал жаңа өзгерістерге сәйкес, сотталған әйелдер мен еркектер балаларымен еш шектеусіз сөйлесе алады", – деді Қожаев Сенаттың бүгінгі отырысында.
Алайда баламен телефон арқылы сөйлесудің нақты тәртібі мен жиілігі белгіленеді.
Айта кетері, заңнамалық түзетулер жазасын қауіпсіздігі орташа және жоғары деңгейдегі мекемелерде өтеп жатқан әйелдерге, сондай-ақ қауіпсіздігі төмен мекемелердегі ер азаматтарға қатысты қолданылады.