Qazaq24.com, Tengrinews.KZ дереккөзінен алынған ақпаратқа сүйене отырып мәлімет бөліседі..
23 тамызда Қазақстанда Құрылтай депутаттарын сайлау өтіп жатыр. Дауыс берушілердің бір бөлігі учаскеге күнделікті киіммен келсе, енді біреулері дауыс беру күнін жұртты таңғалдыруға жақсы мүмкіндік деп қабылдаған. Tengri Life сайлауға ерекше кейіпте келгендер мен учаскеге өзгеше жолмен жеткендерді топтастырды.
Астанадағы сайлау учаскелерінің біріне көне грек патшасы Агамемнонның бейнесіне енген дауыс беруші келді.
Сауыт-сайман, шапан, дулыға - образы кейіпкерге барынша ұқсатып жасалған. Бірақ күйменің орнына ол роликті таңдаған. Жігіт бюллетень алып, дауыс берді, қала тұрғындарымен суретке түсіп, кейін роликпен кете барды.
Instagram-дағы бұл жарияланымды көру
Астана қаласының Коммуникациялар қызметі (@rsk.astana) жарияланымынан
Ақсу қаласындағы №511 сайлау учаскесіне тағы бір көпшілікке таныс кейіпкер – Чарли Чаплин образындағы азамат келді. Ол қара костюм, басына қалпақ киген, қолына таяқ ұстаған. Учаскеге кірер алдында тіпті аяқ киімін туфлиге ауыстырып алған. Сірә, Чаплиннің бейнесін ұсақ-түйегіне дейін дәл келтіруге тырысқан.
Instagram-дағы бұл жарияланымды көру
Теміртауда да тұрғын тек қарапайым киіммен шектеліп қалмауды ұйғарды. №262 учаскеде ежелгі грек тарихының бірнеше кейіпкері - Одиссей, Пенелопа және Телемах бой көрсетті. Оларға ұлттық киім киген грек этномәдени бірлестігінің мүшелері серік болды.
Instagram-дағы бұл жарияланымды көру
ҚАРАҒАНДЫ ОБЛЫСЫ ӨҢІРЛІК КОММУНИКАЦИЯЛАР ҚЫЗМЕТІ (@rsk.karaganda) жарияланымынан
Алматы облысында қазақ классикасына бет бұруды жөн көрген. Өтеген батыр ауылындағы №1062 учаскеге театр және кино актері, режиссер-педагог Берікқан Төкенов Абай Құнанбайұлының бейнесінде келді. Дауыс бергеннен кейін ол "Қара сөздерден" бірнеше үзінді оқып берді.
Абай Құнанбайұлы бейнесіндегі Берікқан Төкенов. Фото: Алматы облысы әкімдігінің баспасөз қызметі
Алматыдағы №294 учаскеде бүгін бірден екі футбол "аңызы" жүр. "Месси" мен "Роналду" дауыс беруге бірге келді. Бюллетень алуға бармас бұрын олар доппен аздап жаттығып үлгерді. Бағдарламаның футбол бөлімінен кейін - дауыс беру.
Сайлаудағы "Месси" мен "Роналду". Фото: threads.com/@jaman.emes
Ақтөбеде сайлаушылар автокөліктен бас тартып, учаскеге велосипедпен келуді ұйғарған. Таңертең 20 велосипедші қала көшелерімен жүріп өтіп, Шығармашылық академиясындағы №557 учаскеге келді.
Топ ішінде белгілі қазақстандық гір тасын көтеруші Евгений Гончаров та болды.Ол - ҚР еңбек сіңірген спорт шебері, көпдүркін әлем чемпионы және рекордшы. Оның айтуынша, бұл сапар спорт пен сайлауға баруды ұштастырудың бір тәсілі болды.
Instagram-дағы бұл жарияланымды көру
ЖАҢАЛЫҚТАР, МӘСЕЛЕЛЕР, БРИФИНГТЕР (@rsk_aqtobe) жарияланымынан
Шығыс Қазақстанда сайлау учаскесіне өте сирек кездесетін мамандық иесі - су асты жұмыстарының маманы келді.
Instagram-дағы бұл жарияланымды көру
ШҚО ӨҢІРЛІК КОММУНИКАЦИЯЛАР ҚЫЗМЕТІ (@rsk_vko) жарияланымынан
Ақсуат ауданында дауыс берді есімі ерекше адам - Құрылтай Әлімжанов дауыс берді. Ол Ойшілік ауылындағы №175 сайлау учаскесіне келді. Құрылтай Әлімжанов 68 жаста.
Ол 1958 жылы Шәуешекте дүниеге келген, ал 1962 жылы отбасымен Қазақстанға көшіп келген. 1983 жылдан бастап "Комсомол" кеңшарында жұмыс істеп, ауыл шаруашылығының дамуына өз үлесін қосқан.
Instagram-дағы бұл жарияланымды көру
АБАЙ ОБЛЫСЫНЫҢ ӨҢІРЛІК КОММУНИКАЦИЯЛАР ҚЫЗМЕТІ (@rsk_abai) жарияланымынан
Атырау облысында сайлаушылардың бірі кофе мен сайлауды ұштастыруды жөн көрген. Ол учаскеге кофе стақаны костюмін киіп келді.
Кофе стақаны костюміндегі сайлаушы. Фото: Атырау облысы әкімдігінің баспасөз қызметі
Ал Алматыда "Канье Уэст" образындағы дауыс беруші байқалды.
Сондай-ақ, Алматыда "Балқаш жолбарысы" да дауыс беруге келді.
Фото: instagram.com/rsk_almaty
Атырау облысында сайлау күні рекордшы Ерсейіт Бралин үшін шоумен басталды. Бұған дейін жалпы салмағы 165 тонна болатын жеті теміржол вагонын сүйреп, ел рекордын орнатқан Бралин бүгін кезекті жетістігін көрсетті.
Сайлау учаскесінің қасында ол үшін арнайы алаң дайындалды. Рекордшы КамАЗ жүк көлігін сүйреп апарды, содан кейін учаскеге барып дауыс берді.
Жүк көлігін сүйреп бара жатқан рекордшы Ерсейіт Бралин. Фото: Атырау облысы әкімдігінің баспасөз қызметі
Жезқазғанда №12 учаскеге жас жұбайлар келді. Олар отбасы ретінде жаңа өмірлерін бастағаннан кейін бірден дерлік бірге дауыс берді.
Instagram-дағы бұл жарияланымды көру
Сонымен қатар, бүкіл Қазақстан бойынша 4 670 816 адам өз бюллетендерін алды. Дауыс беру сағат 20:00-ге дейін жалғасады.
Google News арқылы жаңалықтарымызды қадағалаңыз
Жазылу