Inform.KZ парақшасындағы ақпаратқа сәйкес, Qazaq24.com хабар таратты..
Оқиға шамамен сағат 08:10-да тіркелген. Аталмыш кіреберістегі пәтерлерле ешкім тұрмаған. Ол бұған дейін ресми түрде апатты деп танылып, бұзуға дайындалған.
Балқаш қаласының әкімдігі оқиға кезінде тұрғындар үшін ешқандай қауіп болмағанын мәлімдеді.
Фото: Балқаш қаласының әкімдігі Фото: Балқаш қаласының әкімдігі– Бесінші кіреберіс 2025 жылы Қазақстан Республикасының заңнамасына сәйкес жүргізілген техникалық қорытынды мен құрылыс сараптамасының негізінде апатты деп танылды. Тұрғындар алдын ала көшірілді, пәтерлер тұруға жарамсыз деп танылды, - деп хабарлады Балқаш қаласының әкімдігі.
Қалалық биліктің мәліметінше, опырылу сәтінде кіреберіс ішінде ешкім болмаған. Қаза тапқандар мен зардап шеккендер жоқ. Ғимарат аумағы қоршалып, апатты бөлікке кіру шектелген. Инженерлік желілер: электрмен, жылумен және сумен жабдықтау белгіленген тәртіпке сәйкес ажыратылған.
Қазіргі уақытта нысанда бесінші кіреберісті бұзу жұмыстары жүргізілуде. Жұмыстар құрылыс және өнеркәсіптік қауіпсіздік талаптарын қатаң сақтай отырып атқарылып келеді.
– Бұзу жұмыстары аяқталғаннан кейін қалған төрт кіреберіс бойынша қосымша техникалық тексеру мен құрылыс сараптамасы жүргізіледі. Одан кейін олардың конструкцияларын күшейту үшін жобалық-сметалық құжаттама әзірлеу жоспарланып отыр, - деп нақтылады Балқаш қаласының әкімдігі.
Үйді одан әрі пайдалану жөніндегі түпкілікті шешім сараптама қорытындылары алынғаннан кейін қабылданып, қосымша хабарланатын болады.
Осыған дейін Орал қаласында апатты үйі сүрілген тұрғындардың баспана ала алмай отырғаны хабарланған болатын.