“Бақаға ұқсайды“: Алматыдағы саябақтан ерекше құс байқалды

Алматы тұрғыны қала әкімдігі маңындағы саябақта ерекше құсты көріп қалды. Әйелдің назарын қанаттының өзгеше түрі аударған. Сарапшы құс туралы толығырақ айтып берді, деп хабарлайды Tengrinews.kz тілшісі.

Құстың суреті

Алматы тұрғыны әлеуметтік желіде құстың суретін жариялады. Айтуынша, ол бұрын-соңды мұндай құсты көрмеген.

"Мен қозғалған кезде ол соңымнан бақылап отырды. Оны әртүрлі қырынан түсіріп алдым: кішкентай екен, алдынан қарағанда бақаға ұқсайды", - деп жазды алматылық әйел.

Скриншот: Тhreads

Суретте тентекқұс бейнеленген. Қазақстанның биоалуантүрлілікті сақтау қауымдастығының (ҚБСҚ) ғылым жөніндегі директоры Сергей Скляренко бұл Қазақстан үшін үйреншікті құс түрі екенін айтты.

"Қазақстанда ол ашық кеңістікте - далалы, шөлейтті және шөлді жерде ұя салады. Түнде белсенді болады, түнде ұшатын жәндіктермен қоректенеді", - деп түсіндірді маман.

Сергей Скляренконың сөзінше, тентекқұс қалада ұшып өткен кезде ғана көрінеді.

"Қазір көші-қон маусымы, сондықтан бұл құсты қаладан кездестіру әбден мүмкін", - деді ол.

Анықтама: Еуропалық дәстүрде тентекқұсты (козодой) ұзақ уақыт бойы түнде ешкінің сүтін ішетін құс деп есептеп келген. Атауы да осыдан шыққан. Шын мәнінде, бұл аңыз: құс тек жәндіктерді аулайды.

Бұл ретте тентекқұсты байқау оңай емес. Оның сұрғылт-қоңыр ала түсі қоршаған ортамен - ағаш қабығымен, құрғақ бұтақтармен, шөппен және жермен толық үйлесіп кетуіне көмектеседі. Егер құс қозғалмай отырса, адам оның қасынан өтіп бара жатып, байқамай қалуы мүмкін.

Фото: Depositphotos

Мұндай бүркемелену күндіз демалып, негізінен түнде белсенділік танытатын құс үшін өте маңызды.

Қараңғы түсе салысымен тентекқұс жәндік іздеуге шығады және өзіне тән ерекшелігі - кішкентай тұмсығы мен өте кең аузының арқасында ұшып бара жатқан жәндіктерді қағып алады.

Тағы оқыңыз: Алматыдағы құстар қайда жоғалып жатыр: ғалымдар түсіндірді

Бізді Google-дың негізгі дереккөздер тізіміне қосыңыз