Tengrinews.KZ дереккөзінен алынған мәліметтерге сүйене отырып, Qazaq24.com түсініктеме жасады..
28 мамырда Атырауда бір отбасын түгелдей өлтіруге қатысты атышулы іс бойынша негізгі сот талқылауы басталады. Tengrinews.kz тілшілері алдын ала сот отырысынан ақпарат тарату үшін еліміздің батысына барды.
28 мамырда Атырауда бір отбасын түгелдей өлтіруге қатысты атышулы іс бойынша негізгі сот талқылауы басталады. Tengrinews.kz тілшілері алдын ала сот отырысынан ақпарат тарату үшін еліміздің батысына барды.
Бұған дейін біз алғашқы отырыстың қалай өткені, айыпталушы – қаза тапқандардың күйеу баласы, 29 жастағы Сұлтан Сарсемалиевтің не дегені туралы хабарлаған болатынбыз.
Сондай-ақ редакция тілшілері Атырау облысының Жангелдин ауылында болды. Онда бір отбасы мүшелері - зейнеткер ерлі-зайыпты Мақсот Қарабалиннің және Нәсіп Өтешқалиева және олардың ересек балалары - қызы Мирамгүл Қарабалина мен ұлы Наурыз Мұқанғалиев жұмбақ жағдайда жоғалып кеткен еді.
Отбасынан тек бір қыз - Ақбаян Мұқанғалиева тірі қалды, ол айыпталушы Сарсемалиевтің бұрынғы әйелі.
Отбасы мүшелерінің барлығы бір жерге, қатар жерленген. Tengrinews.kz тілшілері Атыраудан 400 шақырым жердегі Жангелдин ауылында орналасқан зиратқа барды.
Фото ©️ Tengrinews.kz / Әлімжан Аманжол
Фото ©️ Tengrinews.kz / Әлімжан Аманжол
Қаңтар айында отағасы - 66 жастағы Мақсот Қарабалин мен оның жұбайы, 64 жастағы Нәсіп Өтешқалиева жерленді.
Фото ©️ Tengrinews.kz / Әлімжан Аманжол
Кейінірек, 11 наурызда Наурыз Мұқанғалиев пен Мирамгүл Қарабалинаны ақтық сапарға шығару рәсімі өтті.
Фото ©️ Tengrinews.kz / Әлімжан Аманжол
Мақсот Қарабалиннің туған қарындасы Фаризат Кенжеғалиева Tengrinews.kz тілшілеріне көзі тірісінде бұл отбасы өте тату әрі бірге болғанын, ал бұл қасірет оларды өлімнен кейін де біріктіргенін айтты.
Тұтас бір отбасы бір пышақпен өлтірілген"Ол (айыпталушы - ред. ескертпесі) бүкіл отбасының түбіне жетті. Біз сот шешімін күтіп отырмыз. Бірақ қандай шешім шықса да, ағам мен оның отбасы енді жоқ. Бұл - орны толмас қаза. Бәрін жалмаған адам өте қатыгез. Олар тірі кезінде бір отбасы еді, соңында өлімнен кейін де бірге болды. Олар енді жоқ...", - дейді марқұмдардың туысы Фаризат Кенжеғалиева көзіне жас алып.
Айыптау нұсқасы бойынша, сотталушы Сұлтан Сарсемалиев (отбасының бұрынғы күйеу баласы – ред. ескертпесі) барлық эпизод кезінде бір ас үй пышағын қолданған. Іс материалдарына сүйенсек, ол пышақты өзімен бірге алып жүріп, отбасының бірнеше мүшесіне шабуыл жасағанда пайдаланған.
Алдымен ұлы Наурыз Мұқанғалиев, содан кейін қарт ерлі-зайыпты, ең соңында олардың қызы Мирамгүл Қарабалина өлтірілген.
Наурыз Мұқанғалиевтің өліміТергеу нұсқасы бойынша, 2025 жылдың 14 мамырында Атырау түбіндегі Геолог ықшамауданында Сұлтан Сарсемалиев пен оның бұрынғы әйелі жалдап тұрған пәтерде Наурыз Мұқанғалиев пен Сұлтан Сарсемалиев арасында жанжал шыққан. Сөзге келіспеушіліктің соңы төбелеске ұласқан.
Іс материалдарына сәйкес, Сарсемалиев өзінің Наурыз Мұқанғалиевтен физикалық тұрғыда әлсіз екенін және оған лайықты қарсылық көрсете алмайтынын түсініп, қасақана кісі өлтіруге бел байлаған.
Бұдан әрі, айтылған мәліметтер бойынша, Сарсемалиев пышақты алып, арпалыс кезінде бұрынғы әйелінің ағасының іш тұсына бірнеше рет соққы берген. Алған жарақаттарынан Наурыз Мұқанғалиев оқиға орнында көз жұмған.
Наурыз Мұқанғалиевті өлтіргеннен кейін Сарсемалиев, тергеу болжамы бойынша, қылмыс ізін жасыруға тырысқан. Ол марқұмның денесін өзі жалдап тұрған жеке үйдің ауласындағы іргетас қасында алдын ала қазылған шұңқырға көміп тастаған.
Нәсіп Өтешқалиеваның өлтірілуіТергеу нұсқасы бойынша, 2025 жылдың 3 қарашасында таңғы сағат 8 шамасында Нәсіп Өтешқалиева аулада үй шаруасымен айналысып, ара-тұра қораға кіріп-шығып жүрген.
Сол сәтте отбасының күйеу баласы Сұлтан Сәрсемалиев қораға кіріп, кіреберістен ас үй пышағын көрген. Тергеу мәліметінше, ол бұл пышақты қылмыс құралы ретінде алдын ала дайындап, ыңғайлы жерге қойып кеткен.
Содан кейін, сағат таңғы 9-дар шамасында ол енесінің қораға кірген сәтін күтіп алған. Әйелдің соңынан кірген Сарсемалиев арқа жағынан келіп, оның кеудесі мен арқа тұсына бірнеше рет пышақ сұққан.
Алған жарақаттарынан әйел есін жинамастан, оқиға орнында көз жұмған.
Мақсот Қарабалиннің өлтірілуіІс материалдарына сәйкес, қылмыстық жоспарының бірінші бөлігі іске асқанына көз жеткізген Сұлтан Сарсемалиев терезеден Мақсот Қарабалиннің (сотталатын адамның бұрынғы қайын атасы - ред. ескертпесі) үйден шығып, қораға қарай бет алғанын көрген.
Мақсот Қарабалин ішке кірген кезде, Сәрсемалиев оның кеудесіне, арқасына және қолына ас үй пышағымен бірнеше соққы жасаған.
Алған жарақаттарынан қария да есін жинамастан, сол жерде жан тапсырған.
Мирамгүл Қарабалинаның өліміТергеу нұсқасы бойынша, 2025 жылдың 6 қарашасында таңғы сағат 9 шамасында Мирамгүл Қарабалина (сотталушы Сарсемалиевтің бұрынғы әйелінің әпкесі - ред. ескертпесі) оларға қонаққа келіп, тұрмыс жағдайларына көңілі толмайтынын білдірген: үйде азық-түлік болмаған, баспананың жағдайы нашар еді. Тергеу мәліметінше, бұл сөздер Сарсемалиевтің ашуын туғызған.
Сол кезде ол ас үйдегі тоңазытқыштың үстінде жатқан пышақты алған. Айыптау деректері бойынша, дәл осы пышақ бұған дейінгі кісі өлтіру оқиғаларында да қолданылған. Сарсемалиев бұрынғы әйелінің әпкесінің кеуде, арқа және іш тұсына бірнеше рет соққы жасаған.
Іс материалдарынан белгілі болғандай, Мирамгүл Қарабалинаның өлгеніне көз жеткізген Сарсемалиев оның денесін кілемге орап, үйге кіреберіс бөлмеге шығарған. Тергеу болжамы бойынша, ол қылмыс ізін жасыру үшін оның денесін бұған дейін ағасы Наурыз Мұқанғалиевтің денесі жасырылған шұңқырға көмуді ұйғарған.
Еске сала кетейік, 18 мамырда Атырауда Атырау облысының Жангелдин ауылындағы отбасының аяусыз өлтірілуіне қатысты резонанстық іс бойынша алдын ала сот отырысы өтті.
Бұған дейін сотта Атыраудағы отбасының атышулы өліміне не себеп болғаны ашылған еді.
Айта кетейік, 18 мамырдағы отырыс барысында прокурор Мирас Бауыржанов айыптау актісін оқыды, онда сотталушының бұрынғы жұбайының туған ағасы - Наурыз Мұқанғалиевтің - сотталушының бұрынғы әйелінің туған ағасын және отағасы – Мақсот Қарабалинді қалай өлтіргені туралы толық баяндады.
Осы деректер жария етілген кезде Tengrinews.kz тілшілері сотталушы Сәрсемалиевтің прокурор айыптауларына реакциясын түсіріп алды. Ол прокурорды ешқандай қобалжусыз тыңдап отырды, тіпті бір сәтте оның жүзінен күлімсіреуге ұқсас белгі байқалды.
Айта кетейік, алдын ала сот отырысы - бұл тараптар іс материалдарымен танысатын, процессуалдық мәселелерді талқылайтын және сотта істі одан әрі қарау тәртібі айқындалатын кезең. Басты сот талқылауы 28 мамырға тағайындадалды.
Шулы істі бұған дейін Яна Легкодимованың өліміне қатысты резонансты іс бойынша үкім шығарған судья Зарема Хамидуллина қарайды.
Сот залынан фото Tengrinews.kz: Әлімжан Аманжол
Бұл кадрларды Tengrinews.kz журналистері сот отырысы басталғанға дейін түсіріп алған.
Тағы оқыңыз:
Атыраудағы бір отбасының өлімі: атышулы іс бойынша сот басталды Әлсіз екенін түсініп, пышақтаған: Атыраудағы бір отбасының өліміне қатысты атышулы істің алғашқы деректері Адам өлтіру, ұрлық және алаяқтық: күдіктіге қандай айып тағылып отыр?Сұлтан Сәрсемалиевке Қылмыстық кодекстің бірден үш бабы бойынша айып тағылған:
99-баптың 2-бөлігі 1 және 13-тармақтары "Екі немесе одан да көп адамды өлтіру"; 188-баптың 2-бөлігі "Адамдар тобының алдын ала сөз байласуымен жасалған ұрлық"; 190-бап "Алаяқтық".Прокуратура мәліметінше, ұрлық пен алаяқтық эпизодтары қаза тапқандардың жеке заттарын жымқыру және олардың малын заңсыз сату фактілерімен байланысты.
Сәрсемалиевтің әйелі Ақбаян Мұқанғалиева күдікті деп танылған жоқАтырау облысы прокуратурасының баспасөз қызметі мәліметінше, қазіргі уақытта аталған қылмыстық іс бойынша сотқа дейінгі тергеп-тексеру аяқталып, іс сотқа жолданған.
"А. Мұқанғалиеваға қатысты тағайындалған сот-психологиялық-психиатриялық сараптаманың қорытындысы шығуы керек. Сараптама қорытындысы тергеу органына ресми түрде түскеннен кейін оған тиісті процестік құқықтық баға беріледі. Аталған қылмыстық құқық бұзушылықтарды С. Сәрсемалиев жеке өзі жасаған. Бұл қылмысты жасауға өзге адамдардың қатысы бар екені туралы деректер анықталған жоқ", - деп хабарлады прокуратура.
Ақбаян Мұқанғалиеваның отбасы мүшелерінің өліміне қатысы болмауына байланысты оған қатысты қылмыстық қудалау тоқтатылған.
Отбасының өліміне қатысты іс"Қылмыс туралы хабарламау дерегі бойынша бөлек іс жүргізу аясында соталды тергеп-тексеру жүріп жатыр", - деп толықтырды прокуратура өкілдері.
Атырау облысы Жангелдин ауылындағы бір отбасының жаппай өлтірілуіне қатысты тергеу жүріп жатыр. 2025 жылғы желтоқсанда туыстары зейнеткер ерлі-зайыпты мен олардың ересек балаларының жоғалып кеткені туралы хабарлаған.
Сол кездегі мәлімет бойынша, отбасы үйден белгісіз бағытқа шығып кетіп, содан бері олардың қайда екені белгісіз болған.
Фото: полицияның баспасөз қызметіІздеуде төрт ересек адам болды:
66 жастағы Мақсот Қарабалин; 64 жастағы Нәсіп Өтешқалиева; 35 жастағы қызы Мейрамгүл Қарабалина; 32 жастағы ұлы Наурыз Мұқанғалиев. Әкесі мен анасының денесі қайдан табылды?Кейін, 6 қаңтарда Жангелдин ауылында зейнеткер ерлі-зайыптының денесі табылды. Полиция мәйіттердің үй ауласындағы шаруашылық құрылыс астынан табылғанын хабарлады.
Ерлі-зайыптыны жерлеу рәсімінен кейін бірден, 8 қаңтарда полиция іс бойынша негізгі күдіктіні жариялады. Ол отбасының 29 жастағы күйеу баласы Сұлтан Сәрсемалиев болып шықты. Оның отбасының кенже қызы Ақбаян Мұқанғалиевамен бірге елден кетіп қалғаны анықталды.
Ер адамға халықаралық іздеу жарияланды.
Күдіктілер Индонезияда ұсталды24 ақпанда Сәрсемалиев пен Мұқанғалиева Индонезияның Сенару ауылындағы қонақүйлердің бірінде ұсталды.
Келесі күні, 25 ақпанда ішкі істер министрінің орынбасары Санжар Әділов Ақбаян Мұқанғалиеваның да іс бойынша күдікті деп танылғанын хабарлады.
Наурыз бен Мейрамгүлдің денелері қайдан табылды?9 наурызда кешке күдікті ерлі-зайыптының Алматыға экстрадицияланғаны белгілі болды. Сәрсемалиев Наурыз Мұқанғалиев пен Мейрамгүл Қарабалинаны өлтіргенін мойындап, олардың көмілген жерін көрсетті.
Ағалы-қарындастың мәйіттері Атырау іргесіндегі Геолог шағынауданынан табылды. Олар негізгі күдікті бұрын жалдап тұрған үйдің ауласына көмілген.
11 наурызда Қызылқоға ауданы Жангелдин ауылында Наурыз бен Мейрамгүлді жерлеу рәсімі өтті.
Фотоны дереккөз арнайы Tengrinews.kz үшін ұсындыСол кезде қаза тапқан отбасының жақындары редакция тілшісіне Ақбаян Мұқанғалиеваның Атыраудағы психиатриялық мекемеге жіберілгенін хабарлаған еді.