Бейбіт Жұқаев Үндістандағы турнирде жарыстың 1 ракеткасын жеңді

17.02.2026

Qazaq24.com, Inform.KZ дереккөзінен алынған мәліметтерге сүйене отырып ақпарат жариялайды..

Қазақстандық теннисші алғашқы айналымда әлемнің 134-інші, аталмыш жарыстың 1-ракеткасы, аустралиялық Дэйн Суиниге тап келді.

Осыған дейін қарсыластар бір рет кездесіп, онда Жұқаев ұтқан еді.

Бірінші партия тай-брейкте аустралиялық спортшының пайдасына шешілді – 7:6 (8:6).

Бұдан кейін Бейбіт камбэк жасай білді – 6:2, 6:2. 

Екі сағат 17 минутқа созылған тартысты бәсекеде Б.Жұқаев 15 эйспен бірге 11 брейк-пойнттың төртеуін пайдаланды. Суини 6 эйс жасағанымен, 9 брейк-пойнттан түк шығара алған жоқ.
Сөйтіп сенсациялық жеңіске қол жеткізген Бейбіт Жұқаев ширек финалға шығу үшін әлемнің 275-ракеткасы, грекиялық Стефанос Сакелларидиспен таласады.

Тағы бір қазақстандық, әлемнің 362-ракеткасы Денис Евсеев алғашқы айналымда рейтингіде 468-орындағы италиялық Александр Биндаға есе жіберді – 7:6 (9:7), 1:6, 2:6. Бұл матч та тартысты өтіп, 2 сағат 20 минутта тәмамдалды.

Еске сала кетейік, бұдан бұрын Михаил Кукушкиннің Франциядағы жарыста қарсыласын қапы қалдырғанын жазған едік. 

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.
Читать полностью