Qazaq24.com, Egemen.KZ дереккөзінен алынған мәліметтерге сүйене отырып ақпарат бөліседі..
Энергетика министрлігінің дерегіне сәйкес, қазақстандық мұнай өңдеу зауыттары қалыпты режимде жұмыс істеп, ішкі нарықтың сұранысын толық қамтамасыз етіп отыр. Ең алдымен жанармаймен автожанармай құю бекеттері, ауыл шаруашылығы саласы және отандық әуе тасымалдаушылары қамтамасыз етіледі.
Кеңес барысында жанармайдың шетелге заңсыз шығарылуы мәселесі де қаралды. Осыған байланысты Үкімет басшысы шекарадағы бақылауды күшейтіп, мұнай өнімдерін заңсыз тасымалдаудың барлық жолдарының жолын кесуді тапсырды.
Мемлекет жанармай нарығындағы тұрақтылықты сақтап, халық пен кәсіпорындарды қажетті отынмен үздіксіз қамтамасыз ету бағытындағы жұмыстарды жалғастырады.