Sputnik.KZ парақшасынан алынған деректерге сүйене отырып, Qazaq24.com хабарлама жасады..
АСТАНА, 14 сәуір – Sputnik. Энергетика министрлігі мораторийден кейін бензин бағасына қатысты түсініктеме берді, деп хабарлайды Sputnik Қазақстан тілшісі.
Вице-министр Қайыржан Тұтқышбаевтың айтуынша, мемлекет жанар-жағармай бағасының күрт өсуіне жол бермейді.
"Бүгін мораторийдің аяқталғанына екі апта толды. Біздің мәліметімізге сәйкес, бензин бағасы 1 теңгеге ғана көтерілді. Мемлекет пен энергетика министрлігі жанар-жағармай бағасының күрт өсуіне жол бермейді", - деді Тұтқышбаев үкіметтегі брифингте.
Дегенмен бензин бағасы біртіндеп көтеріледі.
"Бағалар біртіндеп көтеріледі. Бірақ күрт өспейді. Біз ең бастысы жанар-жағармайдың қорын жасап, бағалардың күрт көтерілуіне жол бермеуіміз керек", - деді Тұтқышбаев.
Айта кетері, 1 сәуірден бастап Қазақстанда АИ-92 бензині мен дизельдің бағасын ұстап тұрған мораторийдің мерзімі аяқталған болатын.