Qazaq24.com, Egemen.KZ дереккөзінен алынған мәліметтерге сүйене отырып ақпарат жариялайды..
Мемлекеттік кеңесші Ерлан Қарин «Қазақстан археологиясындағы жаңа ашылымдар – 2025» көрмесінің ашылуына қатысты.
Суретті түсірген – Ерлан ОМАР, «ЕQ»
Ә.Марғұлан атындағы Археология институты және Президент орталығы бірлесіп ұйымдастырған экспозицияның мақсаты – 2025 жылы ел аумағында жүргізілген далалық археологиялық зерттеулердің нәтижелерін және одан табылған жәдігерлерді жалпы жұртшылыққа кеңінен таныстыру.
Көрме тас дәуірінен бастап орта ғасырларға дейінгі хронологиялық ауқымды кезеңді қамтып, кейінгі ғылыми зерттеулер нәтижелері арқылы еліміздің ежелгі тарихына қатысты жаңаша көзқарас қалыптастыруға мүмкіндік береді.
«Мемлекет ұлттық тарихқа ерекше назар аударып отыр. Оны бірегейліктің негізгі тіректерінің бірі ретінде қарастырады. Жаңа Конституция жобасының преамбуласындағы «Ұлы даланың мыңдаған жылдық тарихының сабақтастығын сақтап» деген сөйлем – соның айғағы», деді Мемлекеттік кеңесші көрменің ашылу рәсімінде.
Көрмеде алғаш рет көпшілік назарына тас дәуіріне тиесілі бірегей олжалар ұсынылды. Олардың қатарында «Тянь-Шань ориньяк» мәдениеті (ерте палеолит, Жетісу), «Шідерті мәдениеті» (кейінгі мезолит, Ертіс маңы) секілді ірі ғылыми жаңалықтар, сондай-ақ Тайсойған құмдарынан (Атырау облысы) табылған энеолит дәуірінің жәдігерлері бар.
Көрменің сақ-сармат кезеңіне арналған бөлімінде археологиялық деректер арқылы Қазақстан аумағындағы көшпелі және отырықшы мәдениеттердің қалыптасу үдерісі көрсетілген.
Орта ғасырға арналған бөлімде қимақтар мен оғыздар мәдениетіне, сондай-ақ Алтын Орда дәуіріне қатысты жәдігерлер ұсынылған. Келушілерге Қазақстан аумағындағы орта ғасырға тиесілі қалалық мәдениет пен керуен жолдарының, соның ішінде Ұлы Жібек жолы тарихын паш ететін материалдар таныстырылған.
«Қазіргі таңда «Қазақстан тарихы: ежелгі дәуірден бүгінге дейін» атты жеті томдық академиялық басылым әзірленіп жатыр. Көрмеге қойылған жәдігерлердің дені, сондай-ақ салада кейінгі жылдары қол жеткізілген жетістіктер мен жаңалықтар аталған еңбектің 1 миллион жылдық тарихи кезеңді қамтитын бірінші томына енгізіледі», деді көрме жұмысымен танысқан Е.Қарин.
Интерактивті экрандар арқылы археологиялық нысандардың цифрлық модельдері, қазбалардың стратиграфиясы, зертханалық зерттеулер нәтижелері мен халықаралық жобалар көрсетілген. Мұндай формат көрмені жай ғана экспозиция емес, заманауи технологиялармен толықтырылған ғылыми-танымдық кеңістік ретінде қабылдауға жол ашады.
Көрмеде Ә.Марғұлан атындағы Археология институтының кейінгі жылдары жүргізген зерттеулерінің нәтижелері, сондай-ақ еліміздің жетекші музейлері мен ғылыми ұйымдарының қорларындағы бірегей археологиялық жәдігерлер ұсынылған.
Соңғы жаңалықтар
Асыл мұрамызды әлемге қалай танытамыз?
Руханият • Бүгін, 08:15
Михаил Шайдоров – Олимпиада чемпионы!
Олимпиада • Бүгін, 08:10
Өнер • Бүгін, 08:05
«Ажалын жоғалтқан адамның» тұсауы кесілді
Басылым • Бүгін, 08:00
Іле Алатауы саябағында жабайы аң фототұзаққа түсіп қалды
Жануарлар • Кеше
Ұлытау облысында инвестициялық жобалар талқыланды
Инвестиция • Кеше
Жаңа Конституция – әр азаматтың құқығын мемлекеттің басты міндеті ретінде бекітетін құжат
Ата заң • Кеше
Риза Сүйіндік: Конституция – билік үшін емес, халық үшін жазылған негізгі заң
Ата заң • Кеше
Ұлытауда «Сағаттар сыры» көрмесі ашылды
Аймақтар • Кеше
Қазақстан құрамасы әртістік жүзуден Әлем кубогы кезеңін алты медальмен аяқтады
Спорт • Кеше
Қызылордада Қорқыт ата университетінің ректоры таныстырылды
Аймақтар • Кеше
Абай ауданында дін мен дәстүрді сабақтастырған орталық ашылды
Дін • Кеше
Ибраһим келісімі Қазақстанға қандай пайда береді?
Саясат • Кеше
Еліміздің өнеркәсіптік кәсіпорындары жаңа Конституция жобасын қолдады
Ата заң • Кеше
Нұрлан Имам конституциялық реформа кезеңінде қазақстандықтарды бірлік пен жауапкершілікке шақырды
Ата заң • Кеше