Inform.KZ дереккөзінен алынған мәліметтерге сүйене отырып, Qazaq24.com түсініктеме жасады..
Бұл турдағы ойындардың бірінде Түркістанның «Тұраны» сырт алаңда Қостанайдың «Тобыл-2» клубымен кім мықтыны анықтады.
Түркістандық команда бірінші кезеңде қатарынан екі гол соқса, оған алаң иелері бір голмен жауап қайырды. Екінші таймда қарсыластар тағы бір-бір голдан соқты. Осылайша «Тұран» қарсыласынан 3:2 есебімен басым түсті. Нәтижесінде турнир кестесінде 6 ұпаймен түркістандықтар 5-орынға жайғасса, «Тобыл-2» небәрі 1 ұпаймен 13-орында тұр.
Тағы бір кездесуде «Тараз» өз алаңында Семейдің «Елімай-2» клубын 3:0 есебімен жеңді. Алаң иелері бірінші кезеңде қатарынан үш гол соқты. Бұл жеңістен кейін «Тараз» 6 ұпаймен 3-орынға табан тіресе, «Елімай-2» 2 ұпаймен 12-орында келеді.
Дәл қазір «Хан тәңірі» (Алматы) мен «Жайық» (Орал) арасындағы кездесу өтіп жатыр.
Айта кетсек, 23 сәуірде елордалық «Астана-Ж» Шымкенттің «Академия Оңтүстігін», Павлодар облысының «Батыры» ақтаулық «Каспий-Ж» командасын 1:0 тізе бүктірді. Сондай-ақ алматылық «Қайрат-Ж» «Ақтөбе-Ж» клубын 6:0 есебімен жеңсе, дәл сондай есеппен Түркістан облысының «Арысы» өз алаңында қарағандылық «Шахтерге» есе жіберді.
Былтыр Бірінші лигада алғашқы үш орынға ие болған «Каспий» (Ақтау), «Ертіс» (Павлодар), «Алтай» (Өскемен) командалары Премьер-лигаға тікелей жолдама алды. Ал Премьер-лигада соңғы орынды місе тұтқан «Тұран» биыл Бірінші лигада сынға түсіп қалды.