Qazaq24.com, Inform.KZ дереккөзінен алынған мәліметтерге сүйене отырып мәлімдеме жасады..
— 2026 жылы субсидияланатын жұмыс орындарына республика бойынша 102 мың адам жұмысқа орналасады деп күтілуде. Оның ішінде 55 мың адам қоғамдық жұмыстарға жіберілетін болады. Электрондық еңбек биржасында жұмыс берушілерден субсидияланатын жұмыс орындарын ұйымдастыруға республика бойынша 38,4 мың жұмыс берушіден барлығы 236 мың өтінімдер түсті, — деді ол.
Вице-премьердің айтуынша, Еңбек ұтқырлығы орталықтары 75,6 мың жұмыс орнын мақұлдады, оның 34 мың жұмыс орны 2 227 ауылдық округ пен кенттерде құрылады.
— 2026 жылғы 23 ақпандағы жағдай бойынша субсидияланатын жұмыс орындарына 35,1 мың адам жіберілді, оның ішінде 24,7 мыңы — ауыл тұрғындары. Қазіргі уақытта Еңбек және халықты әлеуметтік қорғау министрлігі үкіметтік емес ұйымдардың, жергілікті атқарушы органдардың өкілдерімен бірлесіп, ауыл тұрғындары және мүгедектігі бар адамдар үшін субсидияланатын жұмыс орындарын ұйымдастыру қағидаларының ережелерін қайта қарастырып жатыр, — деді Аида Балаева.
Бұған дейін субсидияланатын жұмыс орындарын ұйымдастыру қағидаларына енгізілген өзгерістер неліктен тоқтатылғанын жазған едік.