Биыл Оскар сыйлығына кімдер үміткер?

Qazaq24.com, Egemen.KZ дереккөзінен алынған мәліметтерге сүйене отырып мәлімдеме жасады..

Кино әлеміндегі ең беделді марапаттардың бірі – «Оскардың» 98-ші табыстау рәсімі 15 наурызда өтеді. Америкалық киноакадемия 2026 жылдың үміткерлер тізімін жариялады, деп жазады Egemen.kz.

Аталымдар саны бойынша «Күнәһарлар» фильмі дара шықты. Картина бірден 16 аталымға ұсынылып, «Оскар» тарихындағы рекордты жаңартты. Бұған дейін мұндай көрсеткішке жеткен фильмдер саусақпен санарлық еді.

«Үздік фильм» аталымында он туынды бақ сынайды. Олардың қатарында «Бугония», «F1», «Франкенштейн», «Хамнет», «Керемет Марти», «Ұрыстан ұрысқа», «Құпия агент», «Сезімге бай құндылық», «Күнәһарлар» және «Пойыздар түсі» бар. Сарапшылардың пікірінше, бұл тізім соңғы жылдардағы ең жанрлық әрі тақырыптық тұрғыдан әркелкі іріктеулердің бірі.

Ерлер арасындағы басты рөл номинациясында Тимоти Шаламе «Керемет Марти» фильмі үшін, Леонардо Ди Каприо «Ұрыстан ұрысқа» лентасындағы рөлімен, Итан Хоук «Көгілдір Ай» арқылы, Майкл Б. Джордан «Күнәһар» фильміндегі ойынымен және Вагнер Моура «Құпия агент» картинасындағы бейнесімен үміткер атанды.

Екінші пландағы үздік актер аталымында Бенисио дель Торо мен Шон Пенн «Битва за битвой» фильмі үшін, Джейкоб Элорди «Франкенштейн», Делрой Линдо «Күнәһар», Стеллан Скарсгард «Сезімге бай құндылық» туындысымен ұсынылды.

Әйелдер арасындағы басты рөлге Джесси Бакли «Хамнет», Роуз Бирн «Қолдан келсе, бір тебер ем», Кейт Хадсон «Арман әуезі», Ренате Рейнсве «Сезімге бай құндылық», Эмма Стоун «Бугония» фильмдері арқылы таласады.

«Оскар» сыйлығын табыстау: YouTube тікелей эфирде көрсетеді

Екінші пландағы үздік актриса номинациясында Эль Фаннинг пен Инга Ибсдоттер Лиллеас «Сезімге бай құндылық», Эми Мадиган «Қару-жарақ», Вунми Мосаку «Күнәһар», Тиана Тейлор «Ұрыстан ұрысқа» фильмдерімен үміткерлер қатарында.

Режиссерлік аталым да тартысқа толы. Биыл Хлоя Чжао «Хамнет», Джош Сафди «Керемет Марти», Пол Томас Андерсон «Ұрыстан ұрысқа», Йоаким Триер «Сезімге бай құндылық», Райан Куглер «Күнәһарлар» фильмдері үшін «Оскарға» ұсынылды.

«Оскар-2026»: алдын ала шорт-парақ жарияланды

Анимациялық толықметражды фильмдер арасында «Арко», «Элио», «K-Pop охотницы на демонов», «Маленькая Амели» және «Зверополис 2» туындылары бақ сынайды.

Айта кетейік, 2025 жылы «Үздік фильм» атағы «Анора» картинасына бұйырған еді. Ал биылғы бәйге рекордтық көрсеткіштерімен, мықты актерлік құрамымен және режиссерлік шешімдердің сан алуандығымен есте қалғалы тұр.