Egemen.KZ парақшасынан алынған ақпаратқа сәйкес, Qazaq24.com хабарлайды..
Фото: istockphoto.com
2026 жылдың басынан бастап мемлекеттік жәрдемақылардың мөлшері индекстелді. Бірінші, екінші және үшінші бала дүниеге келген жағдайда 164 350 теңге көлемінде біржолғы төлем қарастырылған. Ал төртінші және одан кейінгі балаларға 272 475 теңге мөлшерінде жәрдемақы төленеді.
Сондай-ақ жұмыс істемейтін ата-аналарға бала 1,5 жасқа толғанға дейін ай сайын бала күтімі бойынша жәрдемақы беріледі. Оның мөлшері балалардың санына байланысты белгіленеді. Міндетті әлеуметтік сақтандыру жүйесіне қатысатын жұмыс істейтін аналарға жүктілік пен босануға, сондай-ақ бала күтіміне байланысты әлеуметтік төлемдер тағайындалады.
1 қаңтардан бастап әлеуметтік төлемдер мен салық жүйесі өзгерді
Мүгедектігі бар балаларды тәрбиелеп отырған ата-аналарға төленетін мемлекеттік жәрдемақылардың мөлшері де ұлғайтылған. Ал табысы кедейлік шегінен төмен отбасыларға қосымша атаулы әлеуметтік көмек көрсетіледі.
Көпбалалы аналардың мәртебесін арттыру мақсатында «Күміс алқа» және «Алтын алқа» иегерлеріне өмір бойы ай сайын мемлекеттік жәрдемақы төленеді.
Аталған шаралар отбасы институтын нығайтуға, ана мен баланың әл-ауқатын арттыруға және еліміздегі демографиялық саясатты қолдауға бағытталған.
Еске сала кетейік, бұған дейін Мемлекеттік әлеуметтік сақтандыру қоры декреттік төлемдерге бақылау күшейтілетіндігін мәлімдеген болатын.