Tengrinews.KZ парақшасынан алынған деректерге сүйене отырып, Qazaq24.com хабарлама жасады..
Қазақстан тіпті талғамы жоғары туристерді де таңғалдыруын тоқтатар емес. Алматылық саяхатшы Андрей Выборнов ауқымы мен сұлулығы жағынан әйгілі доломитті Альпіден еш кем түспейтін мекенді көрсетті. Бұл жер мегаполистен небәрі бірнеше сағаттық жерде орналасқанымен, ол туралы білетіндер некен-саяқ. Tengri Travel "Қазақстандық Италияға" қалай жетуге болатынын және жолға шықпас бұрын нені білу маңызды екенін баяндайды.
Қазақстан тіпті талғамы жоғары туристерді де таңғалдыруын тоқтатар емес. Алматылық саяхатшы Андрей Выборнов ауқымы мен сұлулығы жағынан әйгілі доломитті Альпіден еш кем түспейтін мекенді көрсетті. Бұл жер мегаполистен небәрі бірнеше сағаттық жерде орналасқанымен, ол туралы білетіндер некен-саяқ. Tengri Travel "Қазақстандық Италияға" қалай жетуге болатынын және жолға шықпас бұрын нені білу маңызды екенін баяндайды.
Қалай жетуге болады?Көпшілікке беймәлім бұл орын елдің оңтүстігінде, Қырғызстанмен шекаралас таулы аймақта орналасқан. Оған баратын жол бірнеше сағатқа созылатындықтан, қолайлы көлік табу аса маңызды.
"Маршрут Мерке ауылынан басталады, оған Алматыдан төрт сағатта жетуге болады", - дейді Андрей.
Instagram-дағы бұл жарияланымды көру
Бұл жер шекара аймағында орналасқандықтан, ол жаққа жайдан-жай бару мүмкін емес. Рұқсат қағазын алдын ала рәсімдеу қажет.
Рұқсат қағаздары e-license сайтында рәсімделеді. Ол үшін "Шекаралық белдеуге кіруге және онда болуға рұқсат беру" бөлімін таңдау керек. Өтінім беру кезінде мақсатын "туризм" деп көрсетіп, бағыты мен жоспарланған сапар күндерін белгілеп, барлық ұяшықтарды дұрыс толтыру қажет.
"Өтінім берілгеннен кейін рұқсат қағазы бірнеше күн ішінде дайын болады. Оны өзіңізбен бірге қағазға басып шығарылған күйінде алып жүру керек", - деп ескертті саяхатшы.
Бақылау пунктінен өткеннен кейін межелі жерге дейін тағы 30 шақырымдай жол жүреді.
Жол бойында саяхатшыларға тау өзені, киіз үйлер, жайлаулар мен жайылып жүрген жылқылар мен қой отарлары серік болады.
Қалай дайындалу керек?"Бағыттың ең шарықтау шегі - мұздықтардан құралған асқар таулардың көрінісі. Ол өзінің ауқымы мен сұлулығы жағынан Доломит тауларынан еш кем түспейді", - деді Андрей.
Маршруттың басты нүктесі - мұздықтары бар айбынды тау сілемдері.
"Ол жердің биіктігі шамамен 3000 метр, маңайда мұздықтар бар. Сондықтан түнде өте суық болды. Мұндай жағдайда жақсы ұйықтайтын қаптарсыз немесе пешсіз түнеу тиімсіз болар еді", - деді алматылық тұрғын.
Жақын маңда биік таулы көлдер бар, топ сол жерге лагерь құрған.
Саяхатшының айтуынша, қону үшін тыңғылықты дайындық қажет: мұнда биіктік 3000 метрге жетеді, ал жақын маңдағы мұздықтардың әсерінен тіпті жазда да түнде күн қатты суытады.
Не алып бару керек?Андрей мұндай сапарларға толықтай дайын болып шығудың маңыздылығына ерекше тоқталды.
"Ең алдымен қауіпсіздікке қатысты заттарды аламыз: алғашқы көмек қобдишасы, азық-түлік пен су қоры, жылы киімдер (тіпті жазда шықсақ та) және көлікті жөндеу мен эвакуациялауға қажетті барлық құралдар", - деді ол.
Егер тауда түнеу немесе демалыс үшін лагерь құру жоспарда болса, жоғарыда аталғандарға қоса лагерь жабдықтары: шатырлар, жылы ұйықтау қаптары, күркелер, лагерь жарығы, ас үйге және тамақ пісіруге арналған құралдар мен жайлы демалысқа қажетті басқа да көптеген ұсақ-түйек қосылады.
Алқапта биік ағаштар болмағандықтан, күркелер мен тенттердің маңызы зор - олар күннен де, жаңбырдан да қорғайды.
Саяхатшы мұндай маршрутқа ешқашан жалғыз шықпауға кеңес береді.
"Ешқашан бір көлікпен жолға шықпау керек - бұл қауіпсіздіктің алтын қағидасы. Сондай-ақ жолды жақсы білсең де, тауға жалғыз баруға болмайды. Бұл - табиғат, ол қателікті кешірмейді", - деді саяхатшы.
Оның айтуынша, тіпті таныс жолдың өзі күтпеген жағдайларға тап қылуы мүмкін: дөңгелектің жарылуы, батпақ, ауа райының күрт өзгеруі немесе басқа да штаттан тыс жағдайлар.
Орын қалай табылды?"Мұны өз тәжірибемнен білемін, тіпті еш қиындық тудырмайтындай көрінген жердің өзінде дөңгелекті тасқа жарып алу немесе батпаққа батып қалу әбден мүмкін, ал бұдан да күрделі жағдайлар мен бағыттар туралы айтпаса да болады... Өйткені саяхат кезінде тек межелі жерге жету ғана емес, үйге аман-есен оралу да маңызды", - деді алматылық тұрғын.
Андрей бұл жер туралы кездейсоқ - Мерке жағындағы әдемі жерлер туралы айтқан таныстарынан естіген.
Осыдан кейін ол достарымен бірнеше жол талғамайтын көлікпен "барлауға" аттанған.
"Бұл жерлердің шынымен де көрікті болуы мүмкін екенін түсінгенде, бірнеше джип жинап, барлауға шықтық. Жолда жергілікті тұрғындар бағыт-бағдар сілтеп жіберді, ол үшін оларға алғысымыз шексіз", - деді саяхатшы.
Бұл жігіттің алғашқы сапары емес: олар достарымен бірге әр демалыс сайын бір күндік немесе бірнеше апталық сапарларға шығып тұрады.
"Көздің жауын алатын көрініспен оянғанда... Одан асқан керемет не болуы мүмкін?", - дейді ол.
Instagram-дағы бұл жарияланымды көру
Саяхатшының айтуынша, бүкіл сапар барысында олар бірде-бір өзге туристі кездестірмеген.
Андрейдің пайымдауынша, бұл жердің бағалылығы да, сонымен бірге осалдығы да осында жатыр.
"Алғашында бұл жердің табиғи қалпын сақтау үшін ол туралы айтқым келмеді. Бірақ кейін ел сұлулығын паш етіп, оны танып, қорғау керек деген шешімге келдім. Біздің қолымыздан келетін ең маңызды іс - табиғатымызды болашақ ұрпақ үшін сақтау, сондықтан оған құрметпен қарау керек", - деді алматылық жігіт.
Саяхатшының ұстанатын басты қағидасы - артынан ешқандай із қалдырмау.
"Кез келген жерге от жақпау, гүлдер мен ағаштарды аялау және әрине, келгеннен кейін ол жер бұрынғыдан да таза болуы үшін өзіңнің де, өзгенің де қоқысын жинап әкету керек", - деді ол.
Еске салсақ, бұған дейін Алматыдан 3 сағаттық жерде ерекше жер “табылғанын“ жазған едік.
Қазақстандық саяхатшы Сымбат Ошанбайдың айтуынша, Бестөбе су қоймасы Алматы облысының Райымбек ауданында орналасқан.
Следите за нашими новостями в Google News
Подписаться